U The Millionaire's Club — 2023, jaki abjadnoŭvaje suśvietnych vytvorcaŭ mocnaha ałkaholu, 112-je i 125-je miescy zaniała adpaviedna harełka Bulbash i Svayak. A ŭ suśvietnym harełačnym subrenkinhu jany adpaviedna akazalisia na 28-j i 31-j pazicyjach, paviedamlaje Office Life.
U paraŭnańni ź letašniaj viersijaj renkinha biełaruskija brendy prykmietna padraśli: Bulbash raniej byŭ 130-m, Svayak — 149-m.
Pa vynikach 2022 hoda vytvorčaść Bulbash adnajmiennaha vytvorcy vyrasła na 7,7%, dasiahnuŭšy 1,4 młn 9-litrovych kiejsaŭ. U toj ža čas Minski zavod vinahradnych vinaŭ pavialičyŭ vypusk harełki Svayak na 10% — da 1,1 młn 9-litrovych kiejsaŭ.
Niaźmiennym lidaram renkinha na hety momant zastajecca karejskaje sodžu ad kampanii Jinro. U minułym hodzie jaho prodaž pieravysiŭ miažu 100 młn 9-litrovych kiejsaŭ. U pieršuju trojku taksama ŭvajšli filipinski džyn Ginebra San Miguel (37,9 młn 9-litrovych kiejsaŭ) i indyjskaje viski Mcdowell's (30,8 młn).
Ahulnaja kolkaść udzielnikaŭ The Millionaire's Club — 2023 sioleta skaraciłasia. Kali ŭ papiarednim śpisie było 154 «ałkaholnyja miljaniery», to ŭ novaj viersii — tolki 133.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
Heta jak kali b ukraincy vypuskali harełku “Hohol”
Ci palaki “Pszek”