Va Ukrainie źjaviłasia jašče adna zorka sacsietak. Heta koška Aza, jakaja žyvie na paŭrazburanaj rasiejcami padstancyi
Azu jašče kacianiom prynios na padstancyju adzin z rabotnikaŭ u 2014 hodzie. Jon vyratavaŭ jaje ad sabak, jakija zahnali spałochanuju žyviolinu na dreva.
Enierhietyki pakazali kotku Azu, jakaja žyvie na paŭrazburanaj rasiejcami padstancyi. Koška žyvie tam užo dzieviać hadoŭ, piša «Ukrainskaja praŭda».
Aza pryžyłasia i abrała svaim miescam kresła ŭ hałoŭnym budynku padstancyi, dzie znachodziŭsia ščyt kiravańnia. Tam koška znachodziłasia pieravažna zimoj, a letam palavała na padstancyi na myšej.
«Aza — psichaterapieŭt, stvaraje kamfortnuju abstanoŭku. Jana naš talisman i zorka sacsietak, vielmi kamunikatyŭnaja, zaŭsiody sustrakaje ranicaj. Pieražyła z nami mnohaje i stała ŭžo častkaj našaj kamandy», — kaža relejnik padstancyi Alaksandr.
Koška razam z rabotnikami padstancyi pieražyła ŭdary rasiejcaŭ pa enierhaabjektach.
U dzień pieršaha ŭdaru Aza dzieści źnikła. Viarnułasia praź niekalki dzion, kali budynak padstancyi byŭ razburany.
«Unačy biehała pa razburanym budynku, dzie raniej było jaje lubimaje miakkaje kresła, hučna miaŭkała, razhublena i z adčajem zazirała ŭ pabityja vokny, śpiecham pierabirajučy łapami pa raskidanaj cehle i reštkach ścien. Kali ŭbačyła śviet u acalełym budynku, uzradavałasia, pabiehła da nas», — uspaminaje Alaksandr.
Usiaho padstancyja atrymała dzieviać takich udaraŭ, ale Aza nie pakidaje svajho domu.
Ciapier u koški inšaje miakkaje kresła ŭ inšym budynku, ale na hetaj ža padstancyi. Zaraz jana štodnia naziraje, jak adbyvajecca adnaŭleńnie jaje domu i, jak i raniej, paluje na myšej.
Ciapier čytajuć
Łukašenka sprabavaŭ vyśvietlić, chto nastukaŭ Pucinu pra hieorhijeŭskija stužki16
Kamientary
ale asabliva na pieršym fota jana na kocika bolš padobna, čym na kotku. krychu surovaja pysa ŭ jaje. drapiežnica)