Italija prypyniła ŭdzieł u prahramie pa zakupcy amierykanskaha ŭzbrajeńnia dla Ukrainy
Italija vyrašyła časova spynić svoj udzieł u prahramie NATA pa zakupcy amierykanskaj zbroi dla Ukrainy. Jak paviedamlaje Bloomberg, kiraŭnictva krainy tłumačyć heta tym, što ciapier iduć pieramovy ab spynieńni ahniu.
Ministr zamiežnych spraŭ Italii Antonia Tajani zajaviŭ: kali atrymajecca damovicca ab spynieńni bajavych dziejańniaŭ, to patreba ŭ novych pastaŭkach zbroi źniknie, a ŭ centry ŭvahi apynucca harantyi biaśpieki dla Kijeva.
Taki padychod adroźnivajecca ad pazicyi jeŭrapiejskaj asacyjacyi ASD, jakaja zaklikaje krainy Jeŭropy praciahvać naroščvać vytvorčaść uzbrajeńnia niezaležna ad chodu pieramoŭ.
Bloomberg adznačaje, što słovy Tajani śviedčać: urad Džordžyi Miełoni karektuje svaju stratehiju adnosna Ukrainy na fonie abmiežavanych resursaŭ i roznahałośsiaŭ va ŭradavaj kaalicyi.
Niahledziačy na zajavy pra padtrymku Kijeva, Italija stała pieršaj jeŭrapiejskaj krainaj, jakaja adkryta skazała, što nie choča pastaŭlać Ukrainie novuju zbroju ŭ pieryjad pieramoŭ ab spynieńni ahniu.
Pry hetym jašče ŭ kastryčniku Italija vykazvała hatoŭnaść dałučycca da prahramy NATA PURL, jakaja była stvoranaja paśla skaračeńnia amierykanskich pastavak i dazvalaje sajuźnikam zakuplać zbroju ZŠA dla Ukrainy.
Ukraina tym časam paviedamlaje, što joj patrebna dadatkovaja zbroja na sumu 1 miljard jeŭra na zimovy pieryjad. Hienieralny sakratar NATA Mark Rute padkreślivaje: kala dźviuch tracin krain-sajuźnic užo ŭdzielničajuć u prahramie, i im varta vydzialać nie mienš za 1 miljarda dołaraŭ štomiesiac na zakupku amierykanskaj zbroi dla Ukrainy.
Rute ź ironijaj prakamientavaŭ hroznyja zajavy Pucina
Jak pa-roznamu vyhladaŭ Styŭ Uitkaf na sustrečach z Pucinym i z ukraincami
Ušakoŭ: Kampramisaŭ padčas sustrečy Pucina z Uitkafam nie dasiahnuli
«Zarablajcie, a nie vajujcie». Tramp i Uitkaf vierać, što Pucin moža pajści na mir dziela prybytkaŭ. Abo sami marać ab zysku
Pierad pryjezdam Uitkafa Pucinu dałažyli pra zachop Pakroŭska i Vaŭčanska. Paćviardžeńniaŭ hetamu niama
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary