Minabarony RF apublikavała «kadry źniščeńnia tankaŭ Leopard». Rasijskija vajenkary zajavili, što na videa kambajny
6 červienia ministr abarony RF Siarhiej Šajhu abviaściŭ, što rasijskaje vojska ŭžo try dni strymlivaje «daŭno abiacany nastup» USU na niekalkich učastkach frontu. Šajhu asobna raskazaŭ, što 5 červienia było spynienaje nastupleńnie USU na siami napramkach, u vyniku čaho byli źniščanyja 28 tankaŭ, u tym liku vosiem niamieckich «Leapardaŭ» i try francuzskija kołavyja tanki AMX-10.
Nijakich paćvierdžańniaŭ svaich słoŭ Šajhu nie pryvioŭ. Adnak nieŭzabavie rasijskaje vajennaje viedamstva raspaŭsiudziła ŭ miedyja karotkaje videa z kadrami, jak śćviardžałasia, «źniščeńnia zamiežnaj braniatechniki, u tym liku tankaŭ Leopard», jak zaŭvažyła «Mieduza».
Mnohija rasijskija vajennyja błohiery ŭsumnilisia, što ŭ roliku Minabarony RF — sapraŭdnaja braniatechnika.
Telehram-kanał «Vojennyj ośviedomitiel», praanalizavaŭšy abrysy mašyn, paviedamiŭ, što ŭ rečaisnaści na videa — amierykanskija zbožžaŭboračnyja kambajny John Deere 9000 i 700-j sieryj, a taksama traktar-apyrskvalnik John Deere 4830, jakija davoli papularnyja na terytoryi Ukrainy.
«Navošta było vydavać kadry z pamyłkovaj parazaj sielskahaspadarčaj techniki za aktualnaje videa parazy «Leapardaŭ», nam nieviadoma», — pišuć aŭtary kanała.
Da takoj ža vysnovy pryjšoŭ pravajenny telehram-kanał «Rybaŕ». «Kali pavialičyć kadr, to ŭ konturach abjekta možna razhledzieć niešta padobnaje da sielhastechniki. U abrysach vyłučajucca koły, a «stvoł» nahadvaje šniek. Dy i sam ekipaž viertalota ŭ pieramovach nie nazyvaje metu «Leapardam», — havorycca ŭ jaho publikacyi.
Videa sa «źniščeńniem «Leapardaŭ» taksama prakamientavaŭ kiraŭnik PVK «Vahnier» Jaŭhien Pryhožyn.
«Na hetych kadrach vyrazna vidać, jak tanki Leopard pierasoŭvajucca ŭ dziŭnym taktyčnym manieŭry nasustrač adzin adnamu. Hetyja tanki zamaskiravanyja pad sielskahaspadarčyja kambajny. U ich zahnutaje ŭniz duła», — zajaviŭ jon.
Ministr abarony Rasii Siarhiej Šajhu ŭpieršyniu ź vieraśnia 2022 hoda raskazaŭ pra rasijskija straty
«My na siońnia prajhrajom vajnu. Dzie našy kłoŭny?» Pryhožyn znoŭ prajšoŭsia pa Šajhu i Hierasimavie i prapanavaŭ ich rasstralać
Na vajskovych zborach u Minskim rajonie treniravać buduć instruktary-«vahnieraŭcy»
Kamientary
Vna Ukrainie užie ziernovyje ubirajut,
jeśli dorohije kombajny v pole?
Kak hovorił tovariŝ Tramp-- fejk ńjuz!