Trampu vystavili abvinavačańni pa siami punktach. Advakat nazvaŭ ich śmiešnymi
Advakat Donalda Trampa Džym Traści paćvierdziŭ u čaćvier viečaram, što byłomu prezidentu było vystaŭlena abvinavačańnie pa siami punktach, i paviedamiŭ, što hetyja abvinavačańni «vyciakajuć z zakona ab špijanažy».
«U im jość niekatoryja farmuloŭki, što dazvalajuć vykazać zdahadku, što heta budzie za siem abvinavačańniaŭ. Nie na 100% jasna, što ŭsie jany asobnyja abvinavačańni, ale ŭ asnoŭnym jany vyciakajuć z abvinavačańnia ŭ adpaviednaści z zakonam ab špijanažy», — cytuje Traści CNN.
Traści nazvaŭ abvinavačańni ŭ špijanažy «śmiešnymi» i dadaŭ, što jość taksama «niekalki abvinavačańniaŭ u pieraškodzie pracy i ŭ iłžyvych pakazańniach».
Advakat Trampa skazaŭ, što jaho kamanda nie atrymała kopii abvinavaŭčaha zaklučeńnia, a zamiest hetaha atrymała pozvu ŭ sud pa elektronnaj pošcie.
Traści taksama paćvierdziŭ, što Tramp źjavicca ŭ sudzie ŭ aŭtorak, ale nie skazaŭ, jakija advakaty buduć prysutničać razam z byłym prezidentam.
Vialikaje žury prysiažnych suda Manchetena prahałasavała za vystaŭleńnie abvinavačańnia eks-prezidentu ZŠA Donaldu Trampu.
Kamientary
hovoriat on často padajet s krovati
s čužoj