Ci dać kurjeram vychadny ŭ zaviruchu? Ludzi spračajucca, biznes adhukajecca
«Siońnia možna i samim dajści da kramy».
9 studzienia Minsk apynuŭsia pad mahutnaj zaviruchaj: haradskija vulicy zavaliła śnieham, kamunalnyja słužby da hetaha času zmahajucca z nastupstvami, a ruch transpartu ŭskładnieny. Tym časam mnohija słužby dastaŭki praciahvajuć pracavać, kurjery vychodziać na maršruty — pieššu, na rovarach i aŭtamabilach.
Ludzi ŭ sacsietkach prosiać paškadavać kurjeraŭ i admovicca ad zakazaŭ chacia b na dzień.
«Paškadujcie kurjeraŭ», «Siońnia možna i samim dajści da kramy», «Im i tak ciažka — davajcie dadzim im vychadny», — pišuć minčuki ŭ Threads.
Na fonie takich paviedamleńniaŭ niekatoryja ŭstanovy sapraŭdy prypyniajuć dastaŭku — časova pierachodziać tolki na samavyvaz.
Tak, Sushi House paraiŭsia na hety kont sa svaimi padśpisčykami ŭ sacsietkach: ci zrabić kurjeram vychadny? Praktyčna ŭsie kamientatary napisali albo tak, abaviazkova, albo kali i zachoŭvać pracoŭny dzień, to padvysić apłatu ŭ 2‑3 razy. Ustanova vybrała pieršy varyjant, čym vyklikała chvalu adabreńnia.
Fusion Sushi napisali, što adpuścili kurjeraŭ dadomu i pracujuć na samavyvaz, a tym chto zabiare zamovu sam zrobiać skidku. Picpizza.by naohuł vyrašyli nie pracavać.
Ale reakcyja na zakliki «nie zakazvać» akazałasia nieadnaznačnaj.
«Dla vas — kłopat, a dla kurjera — minus hrošy», «Miadźviedžaja pasłuha. Nie chočacie — nie zakazvajcie, ale nie abnulajcie čužuju pracu», «Zakaz z dobrymi čajavymi — heta taksama padtrymka» — pišuć karystalniki.
U kamientary prychodziać sami kurjery ci ich blizkija. «Ja pracuju kurjeram u «Jandeksie». Ty zahadzia prastaŭlaješ za tydzień da sabie źmieny, jakija možna paśla źniać tolki sa štrafam», — piša mužčyna i dadaje, što bolš u takoje nadvorje nie zarobiš: «zakazy ŭsie karotkija i samo prasoŭvańnie pavolnaje».
Žančyna, čyj syn pracuje kurjeram, dzielicca, što toj na bienzin bolš patraciŭ, čym za źmienu zarabiŭ.
Chtości piša, što sam admoviŭsia ad dastaŭki i zvaryŭ sup z taho, što było, inšyja — upieršyniu pastavili ptušačku «samavyvaz», a chtości naadvarot — zrabiŭ zakaz i pakinuŭ padvojnyja čajavyja.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ1
Kamientary
Boleje svoodnoj formy raboty niet. Jeśli kuŕjer riešił rabotat eto jeho žiełanije ischodia iz žiźniennoj situacii. Kak i u taksistov.
Tipa "otpkstitie taksista s raboty" zvučit stranno, skorieje hovorit o nizkoj kompietiencii tiech kto "zabotitsia" o kuŕjerach