Pryhožyn apublikavaŭ šerah antyvajennych kałažaŭ, jakija ŭžo paraŭnoŭvajuć z balšavickimi
Pres-słužba zasnavalnika PVK «Vahnier» Jaŭhiena Pryhožyna apublikavała 10 kałažaŭ pad ahulnaj nazvaj «Dva śviety — adzin čas». Ahulny ich pasył — u toj čas, jak rasijskija vajskoŭcy znachodziacca na froncie ŭ žachlivych umovach i pačkami hinuć, inšaja častka Rasii žyvie svaim žyćciom u viesiałości i raskošy.
Padobnaja rytoryka nahadvaje antyvajennuju ahitacyju balšavikoŭ časoŭ Pieršaj suśvietnaj vajny. Tady balšaviki taksama cisnuli na toje, što ŭ toj čas, jak «prosty narod» niasie vialikija straty i achviary, elity impieryi praciahvajuć bavić čas, ni ŭ čym sabie nie admaŭlajučy.
U vyniku hetyja supiarečnaści na fonie pastajannych niaŭdač na froncie skončylisia revalucyjaj 1917 hoda i kracham carskaha režymu. A paśla na niekalki hadoŭ razharnułasia kryvavaja hramadzianskaja vajna.
Publikacyja pres-słužbaj Pryhožyna hetych kałažaŭ układajecca ŭ ahulnuju łohiku kanfliktu stvaralnika PVK «Vahnier» z Kramlom i rasijskim Ministerstvam abarony, u ramkach jakoha Pryhožyn rabiŭ užo šmat skandalnych i pramaliniejnych zajaŭ, u jakich abvinavačvaŭ kramloŭskich čynoŭnikaŭ adkryta, nie padbirajučy słoŭ.
«PVK «Vahnier» nie budzie padpisvać nijakich kantraktaŭ z Šajhu». Pryhožyn adkazaŭ Minabarony RF
Tolki najaŭnymi z zabaronaj kłaści na rachunki. Stała viadoma, jak «vahnieraŭcy» płaciać hrašovyja kampiensacyi siemjam zahinułych najmitaŭ
«My na siońnia prajhrajom vajnu. Dzie našy kłoŭny?» Pryhožyn znoŭ prajšoŭsia pa Šajhu i Hierasimavie i prapanavaŭ ich rasstralać
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary