Rasijskaja prapahanda zajaviła, što niamieckaje miedyja napisała pra Budanava ŭ komie. Niemcy abvierhli hety fejk
U subotu rasijskija (a za imi i niekatoryja biełaruskija) prapahandysty raspaŭsiudzili infarmacyju, što nibyta niamieckaje vydańnie Stern paćvierdziła raniejšyja zajavy pra ranieńnie i ekstrannuju špitalizacyju ŭ Bierlin kiraŭnika ŭkrainskaj raźviedki Kiryły Budanava. Niemcy vystupili z zajavaj z hetaj nahody.
U Stern zajavili, što nie publikavali navin pra ciažkaje ranieńnie kiraŭnika HUR, a spasyłki na vydańnie vydumanyja rasijskaj prapahandaj.
«Hetaja historyja — nie što inšaje, jak adkryty fejk, čarhovy fejk rasijskich prapahandystaŭ», — havorycca ŭ materyjale Stern. Dalej padkreślivajecca, što apošni artykuł pra Budanava datavany 28 lutaha hetaha hoda.
Niemcy ŭschvalavanyja, što dezynfarmacyja ab «ciažkim ranieńni» Budanava ŭžo źjaviłasia na inšych movach. Jak piša Stern, na sajcie italjanskaha infarmacyjnaha ahienctva Nova News, jakoje, mierkavana, vykarystoŭvajecca RF dla raspaŭsiudžvańnia ŭłasnaj prapahandy, byŭ apublikavany artykuł na hetuju temu na anhlijskaj, ispanskaj, italjanskaj, niamieckaj i inšych movach.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj4
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary