Aktyvisty źviarnulisia ŭ Ministerstva kultury z prośbaj chacia b vypravić pamyłki na znaku i paznačyć na im nazvu hary, ale adkaz viedamstva ździviŭ.
Architekturny znak «Ściah Radzimy» na Dziaržynskaj hary adkryli 12 maja, napiaredadni Dnia dziaržaŭnaha ściaha, hierba i himna. Hety dzień adznačajecca štohod u druhuju niadzielu maja i prymierkavany da praviedzienaha 14 maja 1995 hoda Łukašenkam refierendumu, pavodle vynikaŭ jakoha bieła-čyrvona-bieły ściah i hierb «Pahonia» byli zamienienyja na raniejšyja simvały savieckaj Biełarusi.
Novy pomnik vykanany architektaram Armenam Sardaravym i majstram pa mietale Uładzimiram Kanonikam u vyhladzie steły na piramidalnym pastamiencie, uviančanaj zakručanym niby śviardziołak čyrvona-zialonym ściaham. Karotki nadpis na znaku źmiaščaŭ adrazu dźvie pamyłki, a taksama na im adsutničała nazva samoj viaršyni. Stary znak-kamień pakładzieny pad darožnym pakazalnikam kala pavarotu da hary.
Ustanoŭka za niedziaržaŭnyja hrošy dazvoliła paźbiehnuć konkursu eskiznych prajektaŭ i realizavać davoli biezhustoŭny, na dumku śpiecyjalistaŭ, pomnik. Ale ciapier vyjaviłasia, što jon pastaŭleny niezakonna.
Ministerstva kultury Biełarusi ŭ svaim adkazie źviarnuła ŭvahu, što paradak stvareńnia abo rekanstrukcyi tvoraŭ manumientalnaha i manumientalna-dekaratyŭnaha mastactva vyznačany admysłovym Pałažeńniem. Pavodle jaho Dziaržynski rajonny vykanaŭčy kamitet musiŭ źviarnucca ŭ viedamstva pa zaklučeńnie ab stvareńni (rekanstrukcyi) tvora mastactva, čaho zroblena nie było. Nie razhladałasia pytańnie i na pasiadžeńni Minskaha abłasnoha mastacka-ekśpiertnaha savieta pa manumientalnym i manumientalna-dekaratyŭnym mastactvie.
U suviazi z hetym Ministerstva skiravała list ab prypynieńni rabot pa rekanstrukcyi pamiatnaha znaka, nieabchodnaści niaŭchilnaha vykanańnia dziejnaha zakanadaŭstva i pryciahnieńnia da adkaznaści słužbovych asob za jaho parušeńnie.
Najbolš realistyčnym, na našu dumku, vyhladaje varyjant uzakońvańnia ŭžo pastaŭlenaha znaka i vypraŭleńnia pamyłak na im. Ale ŭličvajučy vielmi nizkuju mastackuju vartaść, to varta było b całkam demantavać jaho i pravieści adkryty konkurs na lepšy prajekt. Jak my adznačali raniej, kali b na hary była pabudavanaja chacia b 30-mietrovaja vieža ahladu, to pierad turystami adkryvalisia b panaramy Minska, Nalibockaj puščy i inšych miascovaściaŭ ad Maładziečna da Stoŭbcaŭ. Prynamsi, heta ŭ razy cikaviej, čym ahladać biezhustoŭny art-abjekt.
«Naša Niva» — bastyjon biełaruščyny
PADTRYMAĆNovy znak na hary Dziaržynskaj maje dźvie pamyłki ŭ piaci słovach
Chistkaje stanovišča. Pad Minskam razvalvajecca rekanstrujavany Kurhan Słavy
U pałacy pieršaha biełaruskaha arnitołaha budzie muziej. Z pastaŭskaj rezidencyi Tyzienhaŭzaŭ narešcie źjedzie balnica
Na histfaku BDU źniščyli pano z vyjavaj Kalinoŭskaha
Kamientary