Pieršyja pastaŭki amierykanskich źniščalnikaŭ F-16 Ukrainie čakajucca ŭ pačatku 2024 hoda, adnak dakładnyja terminy pakul nie vyznačanyja, jak piša Politico sa spasyłkaj na zachodnich čynoŭnikaŭ.
Pa słovach krynic, pytańnie pra toje, chto pieradaść samaloty Kijevu, taksama zastajecca adkrytym, adnak u Minabarony adnoj ź jeŭrapiejskich krain zajavili, što, chutčej za ŭsio, heta buduć Niderłandy i Danija. Ciapier jany ŭznačalvajuć šmatnacyjanalnuju kaalicyju pa padrychtoŭcy ŭkrainskich piłotaŭ dla palotaŭ na F-16 — u hetych krain jość śpiecyjalnyja avijacyjnyja simulatary.
U toj ža čas napiaredadni stała viadoma, što sajuźniki Ukrainy razhladajuć jak mahčymaje miesca dla navučańnia piłotaŭ USU Rumyniju. Imavierna, hetym budzie zajmacca kampanija Lockheed Martin, jakaja vyrablaje F-16. Navučańnie moža pačacca ŭžo hetym letam. Vajenna-pavietranyja siły Rumynii majuć na ŭzbrajeńni 17 patrymanych źniščalnikaŭ F-16, nabytych u Partuhalii, i płanujuć zakupić jašče 32 u Narviehii.
Akramia Danii i Niderłandaŭ, da kaalicyi dla pieradačy Ukrainie F-16 dałučylisia Vialikabrytanija, Francyja, Šviecyja, Narviehija, Bielhija, Polšča i ZŠA jak kraina-vytvorca.
Kamientary
Nahadaju, što ja napisaŭ, što dempartyja adno ŭdaje dapamohu i nia daść źniščalnikaŭ, i aŭstralijski ŭrad nia daść.
Čakana ja byŭ zaminusavany i zaličany ŭ puciłukašenki.
Pradubluju vam, spadarstva, svaju dumku, jakuju tady ahučyŭ.
NIAMA ČAHO NA HUMANITARKU ŁENDLIZAVUJU SPADZIAVACCA, A TRE SAMYM KUPLAĆ ZBROJU.
I ludziam na vialiki žal ciapier ŭžo i tłumačyć prychodzicca, što samym, heta nie demakratyčnaja delehacyja paŭnamoctvaŭ ŭradu, jaki nakupić jajok pa siamnaccać hryŭniaŭ, a samym. Kali ŭrad Ŭkrainy ŭsunie svaje pieraškody, ludzi nabuduć źniščalniki F, jak nabyvajuć ferary i bentli.