Jak adroźnivajucca kredyty na žytło ŭ Biełarusi, Polščy i Litvie?
Paraŭnali ŭmovy pa ipatečnych kredytach u Biełarusi i dźviuch susiednich krainach ES.
Biełaruś
U kancy červienia ŭ Biełarusi źnizili staŭku refinansavańnia z 9,75% da 9,5% hadavych. Heta šostaje ad pačatku hoda źnižeńnie. Razam z hetym źmianilisia i staŭki pa kredytach, u tym liku na žytło.
Staŭki pa kredytach na žytło pačynajucca z 12,5% (kali razmova idzie pra budaŭnictva ź dziaržaŭnaj padtrymkaj) ci kala 14% hadavych (na kuplu nieruchomaści bieź jakich-niebudź dadatkovych ilhot). Maksimalny termin kredytavańnia — 20 hod.
Najbujniejšy bank krainy (Biełarusbank) prapanuje kredyt «Ipateka Ekspres» na nabyćcio žyłoha pamiaškańnia na 20 hadoŭ pa staŭcy 14,4%. Ci staŭka refinansavańnia + 4,90%.
Litva
U Litvie ipatečnyja kredyty vydajuć terminam da 30 hadoŭ. Staŭki kala 5,7-6% hadavych. Naprykład, Swedbank na biahučy momant vydaje kredyty pad 6,01 % hadavych. Staŭka składajecca z pracenta banka 2,1% i staŭki EURIBOR 3,91% (siaredniaja pracentnaja staŭka pa mižbankaŭskich kredytach u jeŭra). Apošniaja, jak i staŭka refinansavańnia ŭ nas, moža źmianiacca ŭ bolšy abo mienšy bok.
Polšča
U Polščy staŭki pa ipatečnych kredytach padobnyja da Litvy — kala 5,5-6% hadavych. Žychary Polščy, jakija padychodziać pad dziejańnie prahramy «Pieršaje žytło», mohuć raźličvać na ipatečny kredyt pad 4% hadavych. Padrabiaźniej pra niadaŭna zaćvierdžanuju prahramu, jakoj mohuć skarystacca i hramadzianie Biełarusi, možna pračytać pa spasyłcy.
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu9
Kamientary