Pryhožynu viarnuli 10 miljardaŭ rasijskich rubloŭ, znojdzienyja padčas pieratrusaŭ u Pieciarburhu
Pieršapačatkova viartać vyjaŭlenyja 24 červienia srodki — 10 miljardaŭ rasijskich rubloŭ (na siońnia heta 110 miljonaŭ dalaraŭ), sotni tysiač dalaraŭ i piać źlitkaŭ zołata — siłaviki nie źbiralisia, ale «ŭmiašałasia akaličnaść niepieraadolnaj siły».
Asabista pa hrošy ŭ Pieciarburh eks-miaciežnik nie pajechaŭ. Pry hetym, pavodle papiarednich źviestak, biznesoviec u vychodnyja znachodziŭsia ŭ Maskvie, dzie prysutničaŭ na niejkich naradach.
Zamiest Jaŭhiena Pryhožyna zabirać miljardy prybyŭ jaho kiroŭca z aficyjnaj davieranaściu. Jak prachodziła pracedura, možna tolki zdahadvacca, ale naŭrad ci hrošy pieraličvali, jak iranizuje «Fantanka».
Što tyčycca stareńkaj biełaj «Hazeli» ŭ dvary «Pałaca Trezini» i novaha biełaha Citroen na padziemnaj parkoŭcy hatela River Palace, to jany da hetaha času stajać tam.
Važna, što ŭžo ŭ dzień pieratrusaŭ Pryhožyn nie admaŭlaŭ dačynieńnia da hrošaj. Pavodle jaho słovaŭ, hetaja suma była padrychtavanaja dla bajcoŭ PVK «Vahnier» i vypłaty svajakam zahinułych.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary