U Kijevie ŭ sudzie Šaŭčenkaŭskaha rajona abvinavačany padarvaŭ siabie
Mužčynu, jaki zrabiŭ padryŭ, zvali Ihar Humianiuk. Jon niekali vajavaŭ u dobraachvotnickim bataljonie «Sič», a ŭ turmu patrapiŭ paśla taho, jak u 2015 hodzie kinuŭ hranatu ŭ supracoŭnikaŭ ukrainskaj Nachvardyi pierad Viarchoŭnaj Radaj.
Ihara Humieniuka dastavili ŭ Šaŭčenkaŭski sud na sudovaje pasiadžeńnie. U vyniku padryvu jon zahinuŭ na miescy zdareńnia.
Advakat Humieniuka Alaksandr Śvirydoŭski paviedamiŭ, što jaho padabaronnamu, jaki ŭžo znachodzicca ŭ SIZA amal 8 hadoŭ, praciahnuli aryšt. U momant vybuchu jon znachodziŭsia ŭ kancylaryi razam z kanvojnym.
Pavodle advakata, Humianiuk paśla pačatku poŭnamaštabnaha ŭvarvańnia Rasii va Ukrainu prasiŭ ab vyzvaleńni z-pad varty, kab adpravicca na front, ale jamu admovili.
Paviedamlajecca, što ŭ sudzie Humianiuk zajšoŭ u prybiralniu, dzie, imavierna, jahonyja siabry schavali vybuchovyja prystasavańni. Namieram Humieniuka, vidać, było ŭciačy z-pad varty. Na pieramovy z pravaachoŭnikami jon nie išoŭ, kidaŭsia ŭ ich vybuchovymi pryładami, dvoje palicyjantaŭ paciarpieli. Ale i sam abvinavačany nie zmoh vyjści z budynka, zabarykadavaŭsia ŭ adnym z pamiaškańniaŭ, dzie padarvaŭ siabie.
Pad vartu Ihar Humianiuk patrapiŭ paśla taho, jak 31 žniŭnia 2015 hoda paśla ŭchvaleńnia Viarchoŭnaj Radaj Ukrainy ŭ pieršym čytańni prezidenckaha zakonaprajekta ab uniasieńni źmienaŭ u Kanstytucyju ŭ častcy decentralizacyi ŭłady kala budynka parłamienta nibyta kinuŭ u pravaachoŭnikaŭ bajavuju hranatu. U vyniku hetaha zahinuli try nachvardziejcy, a paciarpieli bolš za 140 čałaviek.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary