Asnoŭnymi temami dla abmierkavańnia stanuć padtrymka ŭ śfiery abarony, jeŭraatłantyčnaja intehracyja Ukrainy, samit NATO, harantyi biaśpieki i realizacyja «formuły miru».
Prezident Ukrainy Uładzimir Zialenski paviedamiŭ, što znachodzicca ź vizitam u Bałharyi.
«Safija. Bałharyja. Praviadu hruntoŭnyja pieramovy z premjer-ministram Mikałajem Denkavym, sustrenusia z prezidentam Rumienam Radzievym, čynoŭnikami, parłamientaryjami, palitykami, žurnalistami», — havorycca ŭ paviedamleńni ŭ jaho telehram-kanale.
Sa słoŭ Zialenskaha, asnoŭnymi temami dla abmierkavańnia stanuć padtrymka ŭ śfiery abarony, jeŭraatłantyčnaja intehracyja Ukrainy, samit NATO, harantyi biaśpieki i realizacyja «formuły miru».
Jak pisali ŭkrainskija miedyja, da niadaŭniaha času akazańnie Bałharyjaj vajskovaj dapamohi Ukrainie znachodziłasia pad niehałosnym vieta z boku časovaha ŭrada. Adnak paśla farmiravańnia pastajannaha Kabinieta ministraŭ, pazicyja Safii źmianiłasia, jak piša Bi-bi-si.
Novy ministr abarony Bałharyi Todar Taharaŭ zajaŭlaŭ, što ŭžo adpraŭlenyja pakiety vajskovaj dapamohi Ukrainie byli «dastatkova surjoznymi» i pastaŭki buduć praciahnutyja.
«Dla dziejnaha ŭrada Bałharyi nie staić pytańnie, chto ahresar i chto achviara ahresii, i my dobra razumiejem, nakolki važnaja dapamoha Ukrainie. Pryčym nie tolki z punktu hledžańnia marali, ale i ŭličvajučy naš stratehičny intares, jaki zaklučajecca ŭ tym, kab Rasija była spynienaja jak maha raniej», — kazaŭ jon.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary