U Kijevie zamieniać saviecki hierb na hierb Ukrainy na pomniku «Radzima-maci»
Manumient ličycca samaj vysokaj manumientalnaj skulpturaj u Jeŭropie.
Dziaržaŭnaja inśpiekcyja architektury i horadabudaŭnictva Ukrainy 13 lipienia vydała dazvoł na ramont ščyta manumienta «Radzima-maci» ŭ Kijevie.
«Prajektnymi rašeńniami praduhledžvajecca ŭstanoŭka tryzubca na ščycie manumienta, jaki adpaviadaje malunku na małym dziaržaŭnym hierbie Ukrainy. Tryzubiec zamienić stary saviecki hierb», — rastłumačyli ŭ Ministerstvie.
Zakazčyk budaŭnictva — Nacyjanalny muziej historyi Ukrainy ŭ Druhoj suśvietnaj vajnie. Čakajecca, što raboty startujuć u najbližejšaj budučyni, jak piša «Ukrainskaja praŭda».
Manumient «Radzima-maci» zbudavany ŭ 1981 hodzie, heta pomnik navuki i techniki miascovaha značeńnia. Manumient ličycca samaj vysokaj manumientalnaj skulpturaj u Jeŭropie.
«U 2022 hodzie 85% z 800 tysiač ukraincaŭ prahałasavali za toje, kab zamianić saviecki hierb tryzubcam», — nahadali ŭ Ministerstvie.
Ministr kultury i infarmacyjnaj palityki Alaksandr Tkačenka dadaŭ, što hierb SSSR zamieniać na hierb Ukrainy da 24 žniŭnia hetaha hoda.
«Heta simvaličny histaryčny momant, svojeasablivy tyzier prajekta, jaki pavinien być realizavany ŭžo ŭ najbližejšy čas, da 24 žniŭnia — zamiena savieckaha hierba na «Radzima-maci» na tryzubiec», — skazaŭ Tkačenka na bryfinhu ŭ Kijevie ŭ čaćvier.
Košt prajekta składzie 28 młn hryŭniaŭ (900 tysiač dalaraŭ), i na jaho realizacyju nie buduć vykarystoŭvać biudžetnych srodkaŭ. Amal usie srodki na prajekt užo sabranyja.
Ciapier čytajuć
Andrej Švied, architektar represij, pryznačany staršynioj Viarchoŭnaha suda4
Kamientary