Uviečary 13 lipienia ŭ Lichtenštejnie «Nioman» zhulaŭ matč ź miascovaj kamandaj «Vaduc». Heta była hulnia pieršaha kvalifikacyjnaha raŭnda futbolnaj Lihi kanfierencyj. I hetuju tranślacyju pakazali na spartyŭnym telekanale «Biełaruś 5», choć nie mieli na heta pravoŭ, piša «Lusterka».
Reč u tym, što Biełteleradyjokampanija z maja 2021 hoda znachodzicca pad jeŭrapiejskimi sankcyjami, jana vyklučana ź Jeŭrapiejskaha viaščalnaha sajuza i nie maje prava pakazvać jaho tranślacyi, u pryvatnaści matčy biełaruskaj zbornaj i kamandaŭ u jeŭrakubkach.
Niahledziačy na heta, tranślacyja vyjšła ŭ efir na «Biełaruś 5». Imavierna, jana była «pirackaj» — uziataj ź internetu. Raniej, u studzieni, takim ža čynam telekanał pakazvaŭ finał Australian Open, dzie hulała biełaruskaja tenisistka Aryna Sabalenka.
Darečy, tranślacyja viałasia z kamientavańniem na biełaruskaj movie.
Sam matč u čaćvier zaviaršyŭsia pieramohaj biełaruskaj kamandy. «Nioman» abyhraŭ «Vaduc» ź likam 2:1. Sustreča ŭ adkaz projdzie praz tydzień na niejtralnym poli biez hledačoŭ.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary