Hałoŭnaje dla Maskvy, kab roznyja kanały pastavak zbožža nie vykarystoŭvalisia Kijevam u vajennych metach i dla napadaŭ na Rasiju, zajaviŭ pres-sakratar rasijskaha prezidenta Dźmitryj Piaskoŭ.
Tak jon prakamientavaŭ prapanovu Litvy vykarystoŭvać bałtyjskija party dla ekspartu zbožža z Ukrainy, paviedamlaje RBK.
Vykarystańnie partoŭ Bałtyjskaha mora dla tranzitu ŭkrainskaj sielhaspradukcyi Piaskoŭ nazvaŭ suvierennym pravam dziaržaŭ, jakija padtrymajuć prapanovu Litvy.
«Dla nas vielmi važna, kab roznyja kanały pastavak nie vykarystoŭvalisia kijeŭskim režymam u vajennych metach i ŭ metach ažyćciaŭleńnia terarystyčnych napadaŭ na našu terytoryju. Z hetym my budziem praciahvać zmahacca», — skazaŭ Piaskoŭ.
Ab prapanovie Litvy da ES vykarystoŭvać bałtyjskija party dla ekspartu ŭkrainskaha zbožža paśla pravału zbožžavaj uhody napiaredadni paviedamiła ahienctva AFP sa spasyłkaj na list, adpraŭleny litoŭskimi ministrami ŭ Jeŭrakamisiju. U pasłańni havorycca, što party Bałtyjskaha mora mohuć słužyć «nadziejnaj alternatyvaj» dla tranzitu ŭkrainskaj sielhaspradukcyi, u tym liku zbožža; praź ich štohod možna pieravozić 25 młn t zbožža.
Jašče na minułym tydni hienieralny dyrektar Kłajpiedskaha marskoha porta Alhis Łatakas zajaviŭ pra hatoŭnaść zabiaśpiečyć stoadsotkavaje absłuhoŭvańnie častki ŭkrainskaha zbožža. Pavodle jaho słoŭ, port moža prymać 10-15 młn t zbožža.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary