Navuka i technałohii

Mabilnaja prahrama ChatGPT ciapier dastupnaja dla Android

Razmaŭlać sa «štučnym intelektam» ciapier možna, nie naviedvajučy veb-sajt OpenAI.

Vyjava: OpenAI

Kampanija OpenAI vypuściła prahramu ChatGPT dla Android. Jak i ŭ viersii dla iOS, jakaja źjaviłasia jašče ŭ kancy maja, vy možacie razmaŭlać z hienieratyŭnym štučnym intelektam, kab atrymlivać parady i adkazy na pytańni. Karystalniki mohuć rabić hałasavyja zapyty z dapamohaj unutranaj sistemy raspaznavańnia havorki, sinchranizavać historyju čataŭ na ŭsich pryładach i ekspartavać danyja. Prahrama moža zrabić ChatGPT bolš dastupnym i papularnym, asabliva ŭ krainach, dzie daminuje Android abo PK mienš raspaŭsiudžany.

Abanienty ChatGPT Plus taksama mohuć pa žadańni pieraklučacca pamiž standartnaj moŭnaj madellu GPT-3.5 i GPT-4. Niezaležna ad viersii samoj madeli, dla vykarystańnia prahramy vam spatrebicca viersija Android jak minimum 6.0.

Jak i ŭ vypadku z Bing Chat (na asnovie GPT-4), Bard i inšymi razmoŭnymi sistemami ŠI, karystalnikam, badaj, nie varta całkam spadziavacca na adkazy i vyniki, jakija daje ChatGPT. Technałohija schilnaja da «halucynacyj», jakija mohuć pryvieści da łžyvych zajaŭ, drennaj kantekstnaj łohiki i inšych chibnych vynikaŭ, jakija nie zasłuhoŭvajuć davieru. ChatGPT časam bolš karysny ŭ jakaści zychodnaha punkta dla zadačy, čym dla atrymańnia kančatkovych adkazaŭ, i moža dapamahčy ŭ vykanańni tvorčych abaviazkaŭ, dzie dakładnaść nie takaja važnaja.

Engaget raspaviadaje, što OpenAI pačaŭ testavać novuju funkcyju dla płatnych padpisčykaŭ ChatGPT Plus, jakaja daje čat-botu praciahłuju pamiać. Kali hetaja funkcyja ŭklučanaja, čat-bot zapaminaje, chto jaho surazmoŭca. Heta, pa słovach kampanii, moža spraścić zapyty i paskoryć atrymańnie adkazaŭ.

OpenAI dapamoh papularyzavać hienieratyŭny štučny intelekt z dapamohaj takich instrumientaŭ, jak ChatGPT, što pryviało da niebyvałaha ažyjatažu, a taksama da palityčnaj uvahi. Amierykanskija akciory i piśmieńniki, naprykład, bastujuć zbolšaha praz aściarohu, što studyi mohuć pačać vykarystoŭvać ŠI ŭ vytvorčaści kinapradukcyi, što vielmi abmiažuje akciorskija i piśmieńnickija zarobki. A raznastajnyja ekśpierty zaniepakojenyja technałohijaj, jakaja moža ŭziać pad kantrol peŭnyja haliny čałaviečaj dziejnaści abo pašyrać dezynfarmacyju. Na hetym fonie OpenAI i sam spadziajecca pamienšyć ryzyku, jakuju moža nieści z saboj pašyreńnie vykarystańnia hienieratyŭnaha ŠI. Palityki tym časam nastojvajuć na adkaznym raźvićci i mahčymym rehulavańni.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić