ZŠA płanujuć u žniŭni adpravić niekalki Abrams u Niamieččynu, dzie tanki projduć kančatkovuju madyfikacyju. Paśla zaviaršeńnia hetaha pracesu tanki buduć adpraŭlenyja va Ukrainu ŭ vieraśni.
Pieršaja partyja Abrams budzie ŭklučać ad 6 da 8 tankaŭ. Usiaho ZŠA płanujuć adpravić 31 tank, što roŭna adnamu ŭkrainskamu bataljonu.
«My, biezumoŭna, pracujem nad tym, kab dastavić ich va Ukrainu jak maha chutčej», — skazaŭ pradstaŭnik Pientahona pałkoŭnik Marcin O'Doneł, admoviŭšysia abmiarkoŭvać kankretnyja terminy.
Pa słovach adnoj z krynic Politico, pieršaja sieryja madyfikacyj tankaŭ užo zroblena, adnak pakul niezrazumieła, ci paśpiejuć Štaty zaviaršyć usie nieabchodnyja pracy da kanca žniŭnia.
Adznačajecca, što pierad tym, jak ukrainskija vajskoŭcy zmohuć pačać ekspłuatacyju tankaŭ, jany pavinny zaviaršyć kurs navučańnia praciahłaściu prykładna 10 tydniaŭ na armiejskaj bazie Hrafienvier u Niamieččynie. Pa słovach čynoŭnika Pientahona, heta navučańnie ŭkraincy płanujuć zaviaršyć u žniŭni.
-
Premjerka Litvy: My nie pojdziem na źmiakčeńnie sankcyj suprać Biełarusi, navat kali na nas buduć cisnuć
-
Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
-
U Hruzii zatrymali hruzavik z ukrainskim hieksahienam. Jon nibyta byŭ pryznačany dla apieracyi «Pavucińnie-2»
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary