«U mianie zaniatak usiaho žyćcia — heta pošuki źnikłych ludziej», — kazaŭ 34‑hadovy Maksim Fiedarovič, jaki adkazvaŭ za zachad i poŭnač Biełarusi.
U Minskim abłasnym sudzie vynieśli prysud 34‑hadovamu žycharu Maładziečna Maksimu Fiedaroviču. Jaho abvinavačvali ŭ «sadziejničańni ekstremisckaj dziejnaści» — č. 1 i č. 2 artykuła 361‑4 Kryminalnaha kodeksa.
Pavodle infarmacyi «Viasny», jamu prysudzili 3 hady kałonii. Taksama jamu pryznačyli štraf — 500 bazavych vieličyń (21 tysiaču rubloŭ). Fiedaroviča abvinavačvali ŭ dzieviaci vypadkach pieradačy danych u Hajun.
Maksim Fiedarovič — kaardynatar pošukavaha atradu «Anioł». Raniej jon pracavaŭ technołaham na «Minsk-Kryštali», ale całkam źmianiŭ žyćcio paśla taho, jak u 2017 hodzie dałučyŭsia da ruchu paśla maštabnych pošukaŭ Maksima Marchaluka ŭ Biełaviežskaj puščy. Z Maładziečna tady sabrali try mašyny, 14 čałaviek.
«Tady ja zrazumieŭ, što prosta nie mahu biez hetaha. U ludziej jość rybałka, vandravańni, sport jak chobi, jak zaniatak usiaho žyćcia. A ŭ mianie zaniatak usiaho žyćcia — heta pošuki źnikłych ludziej. Jany zajmajuć amal uvieś moj volny čas. Mnie, jak i mnohim, davodzicca achviaravać znosinami ź siabrami, siamjoj dziela vyratavańnia ludziej», — pryznavaŭsia Maksim.
«Naša Niva» — bastyjon biełaruščyny
PADTRYMAĆCiapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy88
Kamientary