U Biełarusi niama płatnaj adukacyi, heta forma sacyjalnaj padtrymki moładzi — ministr adukacyi
Ministr adukacyi Andrej Ivaniec skazaŭ, što ŭ Biełarusi niama płatnaj adukacyi, bo dziaržavie davodzicca datavać značnuju častku raschodaŭ, pieradaje Sputnik.by.
«Chacieŭ by adznačyć i padkreślić vielmi važny aśpiekt: siońnia ŭ našaj krainie płatnaj adukacyi niama».
Ivaniec zajaviŭ, nibyta płatnaj adukacyi ŭ Biełarusi niama, bo navučency kampiensujuć vydatki, jakija iduć na ich navučańnie, u najlepšym vypadku na 70%, a šerah śpiecyjalnaściaŭ — miedycynskich, tvorčych — tolki 50%.
«To-bok siońnia dziaržava ažyćciaŭlaje pramuju datacyju na ŭzroŭni 30-50% dla navučencaŭ płatnaj formy navučańnia», — zajaviŭ jon u čaćvier na pres-kanfierencyi, pryśviečanaj zakančeńniu ŭstupnaj kampanii.
Što tyčycca pavyšeńnia koštu płatnaj adukacyi, to ministr adznačyŭ, što, na jaho dumku, heta adbyvajecca vielmi strymana. Hetym razam — da 7%, jak i letaś.
«Vidavočna, što rost koštu (vyšejšaj adukacyi) adbyvajecca značna pavolniej, čym rost zarobkaŭ i dabrabytu našaha nasielnictva.
Tamu ŭ Biełarusi, jašče raz paŭtaru, płatnaja adukacyja — heta forma sacyjalnaj padtrymki našaj moładzi pry atrymańni vyšejšaj adukacyi», — reziumavaŭ Ivaniec.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
MMM było bolš ščyrym, čym łukašenskauskija prykarytniki