Žančynu z Fanipala asudzili na paŭtara hoda «chatniaj chimii» za ŭdzieł u pratestach
U sudzie Dziaržynskaha rajona 2 žniŭnia asudzili Volhu Kołas pavodle č. 1 art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Sudździa Taćciana Fiadčuk pryznačyła Volzie adzin hod i šeść miesiacaŭ «chatniaj chimii», piša «Viasna».
Volhu abvinavacili ŭ tym, što jana roŭna try hady tamu, 14 i 15 žniŭnia 2020 hoda, udzielničała ŭ pratesnaj akcyi ŭ Fanipali i vychodziła na prajeznuju častku. Žančyna była pad vartaj z 3 maja 2023 hoda. Jana całkam pryznała vinu i raskajałasia ŭ ździejśnienym.
Na pratesnuju akcyju žančyna ŭziała ružu biełaha kolera i biełuju stužku. Na sudzie Volha paviedamiła, što nahodaj vyjści na mitynh staŭ hvałt z boku siłavikoŭ paśla praviadzieńnia prezidenckich vybaraŭ.
Žančynu apaznali na fotazdymkach z akcyj pratestaŭ.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary