Prezident Łatvii sklikaje naradu pa biaśpiecy. Budzie dadziena acenka situacyi na ŭschodniaj miažy
«Tyja, chto dapamahaje, arhanizuje nielehalnuju mihracyju i dapamahaje režymu Alaksandra Łukašenki, dapamahajuć voraham», — skazaŭ Edhar Rynkievič.
Prezident Łatvii Edhar Rynkievič sklikaje ŭ čaćvier a 15:00 pasiadžeńnie Rady nacyjanalnaj biaśpieki, na jakim płanujecca dać acenku palitycy pakarańniaŭ va ŭmovach hibrydnaj vajny, paviedamlaje Delfi.lv.
Paśla naviedvańnia ŭschodniaj miažy Łatvii i strukturnych padraździaleńniaŭ Dziaržaŭnaj pamiežnaj achovy ŭ Łathalii (rehijon pamiežny ź Biełaruśsiu) prezident zajaviŭ, što ciapierašniaja palityka pakarańnia zanadta miakkaja dla asob, jakija arhanizujuć nielehalnuju mihracyju.
«Tyja, chto dapamahaje, arhanizuje nielehalnuju mihracyju i dapamahaje režymu Alaksandra Łukašenki, dapamahajuć voraham. Za heta možna atrymać 30 sutak, pa zakančeńni jakich čałaviek dobra adpačyŭ i praciahvaje zajmacca tym, čym rabiŭ raniej. Jaki sens patrabavać ad pamiežnikaŭ, Zemiesardzie i nacyjanalnych uzbrojenych sił aktyŭna achoŭvać miažu, kali ŭ takich situacyjach sudy i prakuratura hladziać na rečy pa-inšamu», — skazaŭ prezident Łatvii, dadaŭšy, što aryjenciry vidavočna pavinny być paznačanyja bolš žorstka.
Edhar Rynkievič padkreśliŭ, što ŭ suviazi z uschodniaj miažoj nieabchodna abmierkavać niekalki pytańniaŭ.
Jon zajaviŭ, što ŭschodniuju miažu možna padzialić na try častki: heta nieŭładkavany ŭčastak miažy, dzie jość zaraśniki; miaža z Rasijaj, jakaja pabudavana da 2019 hoda i adpaviadaje patrabavańniam taho času, a Rasija źjaŭlajecca vialikim faktaram ryzyki; miaža ź Biełaruśsiu, jakaja abstalavana tak, kab vykonvać funkcyju — spynić mihranta, adnak sam pa sabie płot nie abaronić ad vialikich pravakacyj.
Pavodle słoŭ Rynkieviča, asnaščeńnie ŭschodniaj miažy Łatvii datčykami, sistemami videanazirańnia, a taksama budaŭnictva aharodžy źjaŭlajecca absalutnym pryjarytetam.
«Žartaŭ nie budzie». Premjer Łatvii nazvaŭ mabilizacyju dadatkovych sił na biełaruskuju miažu papieradžalnaj akcyjaj
U Łatvii terminova mabilizujuć siły dla achovy miažy ź Biełaruśsiu
U Łatvii vyjavili zakliki dałučacca da PVK «Vahnier»
Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary