Brat Vitolda Ašurka: U Biarozaŭcy ź minułaha tydnia zatrymanyja 9 čałaviek
Brat zahinułaha Vitolda Ašurka sa spasyłkaj na svaje krynicy raspavioŭ «Pozirku», što ź niadzieli, 13 žniŭnia, zatrymana 6 čałaviek. Na minułym tydni taksama byli zatrymanyja 3 supracoŭniki škłozavoda «Nioman», jaki znachodzicca ŭ horadzie.
«Na zavod ideołaham pryznačyli kadebešnika, nie miascovaha, jon pierabiraje spravy pracoŭnych», — kaža aktyvist.
Andrej Ašurak ličyć, što heta robicca dla zastrašvańnia ludziej, «kab ludzi nie tolki nie supraciŭlalisia, a navat nie padumali pra supraciŭ».
Ašurak havoryć, što nie ŭsie imiony zatrymanych viadomyja.
Andrej Ašurak — brat miascovaha aktyvista Vitolda Ašurka, jaki ŭ studzieni 2021 hoda byŭ asudžany na piać hadoŭ pazbaŭleńnia voli, a ŭ mai taho ž hoda pamior pry niavyśvietlenych abstavinach u škłoŭskaj kałonii. Andrej ciapier za miažoju.
Kamientary