U prestyžnym licei Varšavy zackavali ŭkrainku. Ministr zamiežnych spraŭ Ukrainy zaklikaje pakazalna karać za ksienafobiju
U Polščy rasśledujuć ckavańnie 15‑hadovaj ukrainki Darji Hładyr. Heta dačka eks-hulca zbornaj Ukrainy pa valejbole Juryja Hładyra.
Dziaŭčynu šmat razoŭ abražali ŭ prestyžnym varšaŭskim licei TE Vizja, dzie jana ciapier vučycca, piša onet.pl. Inšyja vučni joj dasyłali abraźlivyja i pachabnyja hałasavyja paviedamleńni. «15 ludziej ciabie nienavidziać», «Preč, jo**naja ŭkrainka» — pisali joj. Pa słovach siamji, padletki stvaryli zakrytuju hrupu ŭ sacsietkach, kab ckavać Darju.
Dziaŭčynu ŭ vyniku zabrali sa škoły, bajučysia za jaje psichałahičny stan. Paśla publikacyj u polskich miedyja spravaj zacikaviłasia varšaŭskaja palicyja. A kiraŭnictva liceja niečakana vyklučyła Darju sa škoły.
Na situacyju źviarnuŭ uvahu ministr zamiežnych spraŭ Ukrainy Andrej Sibiha. Jon zaklikaŭ Polšču da pakarańnia tych, chto vykazvaje ksienafobskaje staŭleńnie da ŭkraincaŭ.
«Prykra, što davodzicca znoŭ i znoŭ viartacca da vypadkaŭ haniebnaha staŭleńnia da ŭkraincaŭ u Polščy. Ale takoje staŭleńnie, jak da Darji, kateharyčna niedapuščalnaje,
— napisaŭ Sibiha ŭ fejsbuku. —
Ja padymaŭ hetaje pytańnie na pieramovach z maim polskim kaleham [ministram zamiežnych spraŭ Polščy] Radasłavam Sikorskim pazaŭčora ŭ Polščy padčas vizitu prezidenta Ukrainy. Atrymaŭ zapeŭnivańni ŭ tym, što polski bok reahuje i budzie reahavać naležnym čynam».
«U našych ahulnych intaresach — praduchilać i reahavać na takuju varožaść. Nastojvaju jak ministr zamiežnych spraŭ Ukrainy na spraviadlivym pakarańni tych, chto dazvalaje sabie ksienafobskija vypadki ŭ dačynieńni da ŭkraincaŭ jak u Polščy, tak i ŭ inšych krainach. Ukrainski narod dakładna nie zasłužyŭ takoha staŭleńnia.
Liču, što niekalki pakazalnych kiejsaŭ adkaznaści za takija dziejańni zdolnyja pakazać usim astatnim, što padobnyja pavodziny nie mohuć i nikoli nie buduć normaj u cyvilizavanym jeŭrapiejskim hramadstvie.
Usioj konsulskaj viertykali daručana asabliva ŭvažliva adsočvać usie takija vypadki i reahavać apieratyŭna i pryncypova, abaraniajučy pravy našych ludziej. My hetaha ciarpieć nie budziem», — dadaŭ Sibiha.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary
https://2025.licea.perspektywy.pl/rankingi/ranking-liceow-warszawskich
[Zredahavana]