Stoliki z epaksidnaj smały i miod z Kyrhyzstana: što sprabavali pradać u Instagram Iosifa Pryhožyna paśla naviny pra śmierć kiraŭnika «Vahniera»
Paśla naviny pra toje, što raźbiŭsia samalot, na borcie jakoha lacieŭ kiraŭnik PVK «Vahnier» Jaŭhien Pryhožyn, karystalniki Instagram iznoŭ atakavali akaŭnt pradziusara Iosifa Pryhožyna. Niechta praktykavaŭsia ŭ čornym humary, a niechta, vykarystoŭvajučy situacyju, pačaŭ rekłamavać svaje tavary i pasłuhi. Pahladzieli, što ž sprabavali pradać u kamientarach.
Svaje pasłuhi staŭ prapanoŭvać psichołah, a taksama studyja johi, dzie vučać spraŭlacca sa stresam. Nie prapuściła mahčymaści parekłamavać siabie i tarołah: «Los Pryhožyna vy viedajecie, kali žadajecie daviedacca pra svoj, zakazvajcie raskład». Taksama źjaviłasia rekłama čałavieka, jakoha ci to žartam, ci to ŭsurjoz nazyvajuć «hienijem uzryŭnoha PR».
Šmat kamientaroŭ z roznych akaŭntaŭ pakinuli, rekłamujučy kampjutarnuju hulniu: «Siońnia byŭ źbity samalot Pryhožyna. A ci viedajecie, dzie jašče možna źbivać samaloty? Viadoma ž, u War Thunder. War Thunder — heta kampjutarnaja šmatkarystalnickaja anłajn-hulnia z elemientami simulatara, pryśviečanaja bajavoj avijacyi, braniatechnicy i fłotu davajennaha pieryjadu».
Časam pijaryli (chutčej, žartam) zusim nie źviazanyja z takoj situacyjaj rečy, naprykład, haraž, aharod (dźvie sotki), dapamohu ŭ afarmleńni ipateki ŭ Arenburhu, kvietkavy horny miod z Kyrhyzstana i navat stoliki z dreva i epaksidnaj smały. Stoliki, darečy, ludziej zacikavili. «Nu jany choć nie padajuć?» — zapytali ŭ majstra. «Dzie vy bačyli stoliki, jakija nie padajuć?» — aburyŭsia jon.
Biaspłatny pijar atrymaŭ servis pošuku avijabiletaŭ «Avijasejłs»: šmat chto žartavaŭ z taho, dzie ž Pryhožyn nabyŭ kvitki na svoj apošni samalot, i tehaŭ aficyjny akaŭnt kampanii. Zhadali taksama rasijski łaŭkost «Pobieda».
Minuły raz takaja aktyŭnaść u Instagram-akaŭncie Iosifa Pryhožyna była dva miesiacy tamu padčas miaciažu jaho ciozki pavodle proźvišča — muž śpiavački Valeryi navat abiacaŭ uziać proźvišča žonki, kab pazbavicca słavy ciozki. Tady pad pastom pradziusara źjaviłasia bolš za 25 tysiač kamientaroŭ.
Treba adznačyć, što pradziusar davoli prafiesijna karystajecca takimi ŭsploskami cikavaści da svajoj piersony. Naprykład, na nastupny dzień paśla niaŭdałaha «pachodu na Maskvu» PVK «Vahnier» pradziusar apublikavaŭ novy klip svajoj žonki. Tady ŭ Pryhožyna navat prasili stvaryć intensiŭ-kurs ab prahrevach u Instagram — i zaprasić adnym ź lektaraŭ Łukašenku, jaki raspavioŭ by pra efiektyŭnuju kamunikacyju. Ciapier Iosif paviesiŭ u storyz spasyłku na trybjut Valeryi.
Darečy, sam post, pad jakim stali źjaŭlacca kamientary, — heta videa, u jakim Pryhožyn i Valeryja rekłamujuć juvielirny dom Chamovskikh. Składana skazać, ci žadaŭ brend być zhadanym u takim kantekście, ale ž dakładna adno: prahladaŭ jon atrymaŭ značna bolš, čym płanavałasia.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary