«Hladžu, što jana idzie ŭ moj bok. Ja chutka sieŭ u mašynu». U Dokšyckim rajonie miadźviedzi źniščyli pole z aŭsom u fiermiera
Miadźviedzi źniščyli fiermierskaje pole z aŭsom niedaloka ad vioski Uskromje ŭ Dokšyckim rajonie, paviedamili ŭ efiry telekanała «Biełaruś 1».
Prahułki žyvioł miascovyja žychary źniali na videa: jany nie saromiejučysia zachodzili ŭ viaskovyja sady i rujnavali vulli.
Šmat kłopataŭ miadźviedzi dastavili miascovamu fiermieru Leanidu Juchnaŭcu, źniščyŭšy płantacyju aŭsa. Jak vynik — mužčyna z šaści hiektaraŭ sabraŭ mienš za tracinu ŭradžaju.
«Ja dumaŭ, padydu bližej i spałochaju miadźviedzicu. Padyšoŭ na mietraŭ 60-70 i rezka jak kryknuŭ, a pamiž mnoju i joj u aŭsie było miedźviedziania. Miadźviedzica adrazu stała na zadnija łapy, čmych — i da mianie. Hladžu, što jana idzie ŭ moj bok. Ja chutka sieŭ u mašynu», — raskazaŭ pra sustreču ź miadźviedziami Leanid Juchnaviec.
Viaskoŭcy, jak paviedamlajecca, napałochanyja takim susiedstvam. Jany pieražyvajuć nie tolki za sapsavany ŭradžaj, ale i za svaje žyćci, tamu pa viečarach bolš siadziać pa chatach i bajacca navat dniom chadzić u hryby.
Kolkaść buraha miadźviedzia apošnim časam uzrasła ŭ paŭtara-dva razy, śćviardžajuć navukoŭcy Biarezinskaha bijaśfiernaha zapaviednika. Ciapier na jaho terytoryi pražyvajuć kala sotni asobin. A ŭ cełym u Viciebskaj vobłaści kolkaść kasałapych vyrasła da tysiačy. Heta bolš za 70 % usich miadźviedziaŭ, jakija žyvuć na terytoryi Biełarusi.
Staršy navukovy supracoŭnik zapaviednika Alaksandr Rak kamientuje situacyju tak:
«Z-za taho što kolkaść miadźviedzia ŭzrasła na terytoryi Biełarusi, my ŭ najbližejšy čas z hetym ničoha nie zmožam zrabić, navat, naprykład, niejkaje intensiŭnaje palavańnie nie ŭratuje, tamu što źjaviacca padranki. Mahčyma, kanfliktaŭ z čałaviekam stanie našmat bolš.
Tamu nasielnictvu Biełarusi, u pryvatnaści, paŭnočnym rehijonam, Viciebskaj vobłaści treba niejak vučycca žyć ź miadźviedziem. U pryncypie, ludzi raniej žyli ź miadźviedziem, heta narmalna. Pierš za ŭsio treba siabie paznačać siabie ŭ lesie. Što heta aznačaje? Plaskać u ładki, naprykład, uklučać muzyku, hučna razmaŭlać».
Čytajcie taksama:
Pad Červieniem miadźviedź pasialiŭsia na kukuruznym poli pobač z chatami
U Biełarusi stvorać novuju Čyrvonuju knihu i vyklučać ź jaje niekatoryja vidy
Miadźviedź naviedaŭsia ŭ elitny katedžny pasiołak pad Minskam
Miadźviedzia sustreli ŭ Baraŭlanach, za 100 mietraŭ ad žyłych damoŭ
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary