Litva nazvała jašče pierachody, jakija mohuć zakryć, i dva krytery, pa jakich całkam zakryjuć miažu ES ź Biełaruśsiu
Ministry krain Bałtyi i Polščy damovilisia pra dva asnoŭnyja krytery, pry jakich budzie całkam zakrytaja miaža ź Biełaruśsiu, paviedamiła kiraŭnik Ministerstva ŭnutranych spraŭ Litvy Ahne Biłatajcie, piša Delfi.lt.
«Ich dva: pa-pieršaje, uzbrojeny incydent abo incydenty la miažy adnoj z krain. Heta pavinna być takim, što ŭjaŭlaje surjoznuju pahrozu nacbiaśpiecy krain, — skazała ministr. — Druhi kryter — arhanizavany masavy praryŭ nielehałaŭ.
«Kali budzie zafiksavany adzin z takich incydentaŭ, to projdzie apieratyŭny abmien infarmacyjaj pamiž našymi słužbami, i tady budzie pryniataja pastanova na ŭzroŭni ŭradaŭ», — patłumačyła litoŭskaja ministarka.
Taksama paviedamlajecca, što ŭ sumiesnaj zajavie kiraŭniki MUS zapatrabavali ad režymu Łukašenki «nieadkładna vyvieści PVK «Vahnier» z terytoryi Biełarusi i prybrać nielehalnych mihrantaŭ z pamiežnaj zony».
Da taho, MUS Litvy, pavodle słoŭ Ahne Biłatajcie, prapanuje ŭ najbližejšy čas zakryć jašče dva KPP na miažy ź Biełaruśsiu: «Łavaryški» (ź biełaruskaha boku — «Katłoŭka») i «Rajhardas» («Pryvałka»).
«Heta źviazana z dvuma aśpiektami: pa-pieršaje, jość nieabchodnaść u pamiežnikach. Nam siońnia treba, kab jak maha bolš supracoŭnikaŭ dziažuryli la zialonaj zony», — patłumačyła ministr.
Druhaja pryčyna — prablema kantrabandy. «Zakryćcio KPP dapamahaje ŭ vyrašeńni hetaj prablemy», — akcentavała Biłatajcie.
U takim vypadku paśla zakryćcia jašče hetych punktaŭ zastanucca adkrytymi jašče dva KPP: «Šalčyninkaj» (ź biełaruskaha boku — «Bieniakoni») i «Miedniki» (ź biełaruskaha boku — «Kamienny Łoh»).
Na minułym tydni byli zakrytyja «Šumsk» (ź biełaruskaha boku — «Łoša») i «Ćvierač» («Vidzy»).
Miaža ES ź Biełaruśsiu pakul nie budzie zakrytaja — kiraŭnik MZS Łatvii
Incydent na miažy Litvy ź Biełaruśsiu: nieviadomyja asoby ź biełaruskaha boku zrezali dva słupy ź videakamierami
Litva padumvaje pra zakryćcio miažy z Kalininhradskaj vobłaściu
Prezident Polščy raskazaŭ, što pavinien zrabić Minsk dla palapšeńnia adnosin z Varšavaj
Kamientary