Niepahadź pakinuła biez elektryčnaści bolš za 1100 nasielenych punktaŭ
Najbolš paciarpieli rehijony Minskaj, Hrodzienskaj i Viciebskaj abłaściej. Asnoŭnyja pryčyny adklučeńniaŭ — pieranapružańnie, pavyšanaja vietravaja nahruzka, padzieńnie halla i dreŭ, paškodžańnie apor i abryvy pravadoŭ linij elektrapieradač.
U šerahu rehijonaŭ na źmienu śpiocy pryjšli mocnyja daždžy, jakija supravadžalisia mahutnymi paryvami vietru da 20—27 m/s. U vyniku niespryjalnych umoŭ nadvorja 30 žniŭnia była zafiksavana značnaja kolkaść adklučeńniaŭ u asnoŭnaj i raźmierkavalnaj sietkach enierhasistemy. Asnoŭnaja sietka enierhasistemy adpracavała ŭstojliva, paviedamlaje ŭ svaim telehram-kanale Biełenierha.
Najbolš paciarpieli rehijony Minskaj, Hrodzienskaj i Viciebskaj abłaściej. Asnoŭnyja pryčyny adklučeńniaŭ — pieranapružańnie, pavyšanaja vietravaja nahruzka, padzieńnie halla i dreŭ, paškodžańnie apor i abryvy pravadoŭ linij elektrapieradač.
Raboty pa adnaŭleńni praciahvalisia da hłybokaj nočy i praciahvajucca ciapier. Byli arhanizavany apieratyŭnyja pieraklučeńni, avaryjnyja abychody linij, pryciahnuta śpiecyjalnaja technika.
U elektrasietkavych filijałach na pracoŭnyja miescy byŭ vyklikany dadatkova apieratyŭny i ramontny piersanał. Usiaho dla adnaŭleńnia elektrazabieśpiačeńnia spažyŭcoŭ zadziejničana 650 čałaviek u składzie bryhad i 269 adzinak techniki.
U cełym pa krainie na šeść hadzin ranicy adnoŭlena elektrazabieśpiačeńnie ŭ 909 nasielenych punktach.
Pracy pa likvidacyi nastupstvaŭ stychii viaducca ŭ 223 nasielenych punktach, adnaŭlajecca elektrazabieśpiačeńnie piaci fiermaŭ, zadziejničany pierasoŭnyja dyzielnyja hienieratary, paviedamlaje Biełenierha.
Ciapier čytajuć
Vyjšaŭ na svabodu były top-žurnalist ANT Dźmitryj Siemčanka7
Kamientary