U Drahičynskim rajonie na poŭdni Biełarusi ranicaj 26 žniŭnia prajšła navalnica. Pa słovach vidavočcaŭ, z-za niepahadzi razarvała i pavaliła drevy, vybiła šyby ŭ aŭtamabilach i ŭ damach. U siecivie źjavilisia fatahrafii i videa, piša vydańnie Telegraf.news.
Šmat infarmacyi źjaviłasia z haradskoha pasiołka Antopal. Karystalnik TikTok navat nazvaŭ toje, što adbyłosia tam, «urahanam». Na apublikavanych im kadrach vidać pavalenyja drevy i raskidanyja pa darohach halinki.
Taksama, miarkujučy ź videa, dzieści źniesła i častku dachu.
A miescami navat trochi zaliło.
Akramia taho, vidavočcy padzialilisia fatahrafijami raźbitych šybaŭ u damach i ŭ aŭtamabilach z telehram-kanałam «Virtualny Brest».
Darečy, Biełhidramiet abviaściŭ na subotu 26 žniŭnia aranžavy ŭzrovień niebiaśpieki praź śpiakotu.
Kamientary