Hramadstva22

«Biełaruś — nie Rasija, i Łukašenka — nie Biełaruś». Pramova žonki Alesia Bialackaha Natalli Pinčuk na Nobieleŭskaj kanfierencyi miru — 2023

31 žniŭnia ŭ Osła adbyłasia Nobieleŭskaja kanfierencyja miru — 2023, jakaja sioleta adznačaje dasiahnieńni pravaabaroncaŭ, vyznačaje ryzyku, ź jakoj jany sutykajucca, i zaklikaje da dziejańniaŭ u padtrymku ich pracy. Na joj vystupili łaŭreaty Nobieleŭskaj premii miru (Šyryn Ebadzi, Ryhabierta Mienču Tum), maładyja aktyvisty, a taksama pradstaŭniki troch łaŭreataŭ 2022 hoda — u tym liku žonka Alesia Bialackaha Natalla Pinčuk, paviedamlaje «Viasna».

Natalla Pinčuk padčas vystupu na kanfierencyi

Na pačatku svajho vystupu Natalla Pinčuk adznačyła, što, na žal, Zachodni śviet ciapier redka zaŭvažaje Biełaruś:

«Tamu padkreślu: Biełaruś — nie Rasija i Łukašenka — nie Biełaruś. Ale sapraŭdnaja Biełaruś — svabodnaja, adkrytaja, jakaja robić jeŭrapiejski vybar. Heta tyja samyja zvyčajnyja ludzi, jakija zrabili nadzvyčajnyja rečy ŭ 2020 hodzie, ździvili śviet, kali miljony biełarusaŭ uziali ŭdzieł u mirnych pratestach suprać nachabna sfalsifikavanych vybaraŭ. I pa-raniejšamu biełaruskaje hramadstva nienavidzić dyktaturu, nikoli nie pahadziłasia na vykarystańnie terytoryi krainy Rasijaj dla ahresii suprać našych dobrych susiedziaŭ-ukraincaŭ, supraciŭlajecca hetamu jak moža».

Natalla Pinčuk raspaviała na kanfierencyi pra svajho palitźniavolenaha muža Alesia Bialackaha. Jana adznačyła, što ŭ 2021 hodzie jon viedaŭ, što jaho rana ci pozna aryštujuć iznoŭ, adnak adčuvaŭ siabie maralna abaviazanym rabić usio dziela vyzvaleńnia ŭžo źniavolenych kaleh-pravaabaroncaŭ i pakazvać prykład inšym.

«Paśla aryštu ŭbačyć jaho mnie dazvolili tolki praz hod. Spatkańnie było praz škło. Aleś byŭ vielmi pazityŭny i aptymistyčny, ale razumieŭ, što jamu pahražaje. Nie viedaju, kali my ŭbačymsia znoŭ. Ale jaho maralna nie złamajuć, bo jon maje pačućcio misii.

Jano dapamahło Alesiu vytrymać 10 hadoŭ tamu papiaredniaje łukašenkaŭskaje źniavoleńnie i padtrymlivaje jahony duch ciapier, kali jon u turmie pierasiahnuŭ 60-hadovy ŭzrost. Bo Aleś Bialacki z samaha junactva, z časoŭ kamunistyčnaj dyktatury, pryśviaciŭ žyćcio baraćbie za fundamientalnyja pravy čałavieka — prava być svabodnym, prava vybirać uładu, prava być saboj».

Natalla Pinčuk zajaviła, što, kab dahadzić Pucinu, Łukašenka praciahvaje adbirać u biełarusaŭ usie pravy, u tym liku prava na identyčnaść:

«Zakryty tysiačy hramadskich arhanizacyj, u tym liku ŭsie, jakija zajmalisia adradžeńniem nacyjanalnaj kultury i movy. Źniavolenyja piedahohi, piśmieńniki, žurnalisty, muzykanty i mastaki. Tak rasčyščajecca prastora dla vykarystańnia Biełarusi jak płacdarma dla rasijskaha revanšyzmu.

Biełaruskija pravaabaroncy i inšyja advažnyja ludzi ŭ łukašenkaŭskich viaźnicach uziatyja ŭ pałon za žadańnie bačyć svaju krainu svabodnaj ad dyktatury i rasijskaha paniavoleńnia».

Kamientary2

  • Mar
    01.09.2023
    Prisutstvujuŝije viežlivo poapłodirovali i pošli na bankiet piť šampanskoje s łukašienkovskimi i putinskimi posłami. Vot vsia suť etich priemij. Potusovaťsia v vysšiem obŝiestvie.
  • Miačik
    01.09.2023
    Skazała by jeŝio čto Tramp nie Amierika. Mnohim by ponraviłoś.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia2

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Usie naviny →
Usie naviny

U niekalkich krainach uspyški virusa Čykunhuńja. Što heta takoje i ci bajacca biełarusam?2

Madonna zaklikała Papu Lva XIV pryjechać u Hazu, pakul nie stała zanadta pozna4

Zialenski: Ja nie čuŭ nivodnaj prapanovy, jakaja b harantavała, što zaŭtra paśla vychadu z Danbasa nie pačniecca novaja vajna8

Pamierła 37-hadovaja aktrysa Kaciaryna Arłova

U Turcyi źbirajucca zabaranić šviedskija stały ŭ hatelach i restaranach. Miljony ton ježy vykidajucca10

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»31

«My płanavali da 9 maja heta zrabić, ale kiroŭcy pajšli na Vialikdzień u zapoj». Kiraŭnik SBU raskazaŭ padrabiaznaści pra apieracyju «Pavucińnie»4

Kerałajn Livit: Mahčyma, u budučyni płanujecca pajezdka Trampa ŭ Rasiju10

«Nie źviazana z vajskovymi vučeńniami». Mintrans Litvy prakamientavaŭ skasavańnie rejsaŭ ź Biełarusi6

bolš čytanych navin
bolš łajkanych navin

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia2

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić