Pamior biznesoviec Machamied Al-Fajed. Jahony syn raźbiŭsia ŭ aŭtakatastrofie razam z pryncesaj Dyjanaj
Machamied Al-Fajed naradziŭsia ŭ Jehipcie ŭ siamji školnaha nastaŭnika i zdoleŭ pabudavać biznes-impieryju.
Biznesoviec Machamied Al-Fajed, čyj syn zahinuŭ u aŭtakatastrofie razam z pryncesaj Dyjanaj, pamior va ŭzroście 94 hadoŭ.
Al-Fajed naradziŭsia ŭ Jehipcie, pabudavaŭ biznes-impieryju na Blizkim Uschodzie, a ŭ 1970-ch hadach pierajechaŭ u Vialikabrytaniju.
Jon byŭ uładalnikam futbolnaha kłuba «Fułchem», hatela Ritz u Paryžy i ŭniviermaha Harrods u Łondanie.
Jon taksama siabravaŭ ź ciapier niabožčykam Majkłam Džeksanam, jakomu pastaviŭ pomnik kala stadyjona «Fułchema».
Apošnim časam Al-Fajed amal nie źjaŭlaŭsia na publicy i žyŭ u asabniaku ŭ hrafstvie Surej razam z žonkaj Chajni.
Trahiedyja i padazreńni
Pryncesa Dyjana i jaje siabar Dodzi Al-Fajed zahinuli ŭ aŭtakatastrofie ŭ Paryžy 31 žniŭnia 1997 hoda.
U 2008 hodzie sud prysiažnych u Vysokim sudzie Łondana vyrašyŭ, što avaryja stała vynikam nieaściarožnaści kiroŭcy i reparcioraŭ, jakija pieraśledvali paru.
Machamied Al-Fajed byŭ nie zhodny z aficyjnaj viersijaj i doŭhi čas vioŭ ułasnaje rasśledavańnie, ale ŭ rešcie rešt źmiryŭsia z vysnovami prysiažnych.
«Hodzie. Ja pakidaju adpłatu Usiavyšniamu. Ale sam ja bolš ničoha rabić nie budu», — kazaŭ jon u 2008 hodzie.
Machamied Al-Fajed (tady prosta Fajed) naradziŭsia ŭ Aleksandryi ŭ siamji školnaha nastaŭnika.
Jaho žyćcio rezka źmianiłasia paśla taho, jak jon sustreŭ svaju pieršuju žonku, Samir Chašohi, siastru saudaŭskaha miljaniera, handlara zbrojaj Adnana Chašohi, jaki ŭziaŭ jaho ŭ svoj biznes pa imparcie ŭ Saudaŭskaj Aravii.
Hetaja praca dapamahła jamu naładzić novyja suviazi ŭ Jehipcie, i choć šlub doŭžyŭsia krychu bolš za dva hady, Al-Fajed pačaŭ ułasny sudnachodny biznes.
U 1966 hodzie jon staŭ daradcam adnaho z samych bahatych ludziej śvietu, sułtana Brunieja.
U 1974 hodzie jon pierajechaŭ u Vialikabrytaniju.
Praź piać hadoŭ, imknučysia zamacavać svajo stanovišča, asabliva siarod najvyšejšych słajoŭ brytanskaha hramadstva, jon razam sa svaim bratam Ali kupiŭ znakamity hatel Paris Ritz za 20 młn funtaŭ.
U 1985 hodzie jany taksama nabyli ŭniviermah dla bahatych i znakamitych Harrods za 615 młn funtaŭ.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary