«Jaho prosić narod». «Biełaruśfilm» zdymie kino pra padziei 2020 hoda
«My ŭsio heta bačyli, i nam treba pakinuć…» — skazaŭ hiendyrektar «Biełaruśfilma» Juryj Alaksiej.
«Biełaruśfilm» zdymaje kino pra padziei 2020 hoda, zajaviŭ padčas tok-šou «Pa sutnaści» na STB hiendyrektar «Biełaruśfilma» Juryj Alaksiej.
«Žnivień 2020 hoda. Našy vorahi-ekstremisty pra hety čas zdymajuć svajo kino, dzie traktujuć toje, što adbyvajecca, tak, jak bačać heta jany. I my razumiejem, što hrošaj u ich bolš. Jak nam źniać kino takoje, kab raskazać pra toje, jak heta było nasamreč», — zadaŭsia pytańniem hałoŭny redaktar «Minskaha kurjera» Kiryła Kazakoŭ.
Juryj Alaksiej adkazaŭ, što jon cudoŭna pamiataje 16 žniŭnia 2020 hoda, kali Łukašenka vystupaŭ na płoščy Niezaležnaści.
«Ja pamiataju, 16 žniŭnia my pryjechali ŭ Minsk z Hrodna (Juryj Alaksiej byŭ tady dyrektaram Hrodnaabłkinavideaprakata. — «NN») na aŭtobusach padtrymać kiraŭnika dziaržavy, padtrymać našu stalicu. My ŭziali ŭdzieł u hetym histaryčnym mitynhu. Tamu dla nas heta, moža być, ja vykazvajusia, nie prosta ŭ internecie było pahladzieć … my bačyli heta na svaje vočy, my čuli słovy našaha prezidenta», — padzialiŭsia ŭspaminami čynoŭnik.
Jon raskazaŭ, što ciapier viadziecca praca: «U nas jość šerah, jak toj kazaŭ, prapanoŭ. U nas jość svaje zadumki, ciapier jano ŭ takoj kanvie prapracoŭvajecca. … Jaho treba čakać, bo jaho prosić narod. My ŭsio heta bačyli, i nam treba pakinuć…»
Juryj Alaksiej upeŭnieny, što film budzie.
«Karystajučysia vypadkam, hatovy stvaryć pracoŭnuju hrupu z maładych ludziej i bolš starejšych ludziej. Chacieŭ by zaprasić u hetuju pracoŭnuju hrupu śpiecyjalistaŭ, dumaju, nas siońnia hladziać. My adkrytyja da supracoŭnictva. Viedajecie, ja ŭpeŭnieny, što atrymajecca. My pačniom zusim chutka zdymać. Ciapier prapracoŭvajem kanvu, zatym — scenar. U nastupnym hodzie jon budzie ŭžo ŭ pracy», — zaklučyŭ kiraŭnik «Biełaruśfilma».
-
Jak skłaŭsia los kacianiaci, jakoha ratavać na darozie ŭ Breście spynilisia ŭsie kiroŭcy. Na žal, sumna
-
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami
-
U kvartale «Minsk Śviet» stvorać park
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami2
Kamientary