Łatvijskija pamiežniki za 7 vieraśnia praduchilili sproby 173 mihrantaŭ parušyć dziaržaŭnuju miažu z boku Biełarusi. 10 vieraśnia było ŭžo 256 takich sprob. Za apošnija dni ich kolkaść pavialičyłasia ŭ niekalki razoŭ. Pry hetym na polskaj i litoŭskaj miežach idzie advarotny praces — kolkaść mihrantaŭ, jakija sprabujuć pierajści miažu, źnižajecca.
Z kanca žniŭnia kolkaść sprobaŭ niezakonnaha pierasiačeńnia łatvijskaj miažy stała pieravyšać 100, u toj čas jak raniej kolkaść ich naličvała niekalki dziasiatkaŭ. U aŭtorak, 6 vieraśnia, biełaruska-łatvijskuju miažu sprabavali parušyć 146 čałaviek. 7 vieraśnia zafiksavali 173 sproby, 8 vieraśnia — 115, 9 vieraśnia — 101, 10 vieraśnia — 256.
U toj ža čas polskija pamiežniki paviedamlali tolki pra niekalki dziasiatkaŭ mihrantaŭ, choć praciahłaść polska-biełaruskaj miažy ŭ razy daŭžejšaja.
U suviazi z napružanaj situacyjaj na łatvijska-biełaruskaj miažy Litva pryniała rašeńnie adpravić na dapamohu Łatvii dvaccać litoŭskich pamiežnikaŭ.
Łatvijskaja miaža ciapier najmienš abaronienaja ŭ paraŭnańni ź inšymi miežami krain Jeŭrasajuza, jakija susiedničajuć ź Biełaruśsiu. Polšča pabudavała pamiežny płot jašče ŭ minułym hodzie, Litva ciapier aktyŭna viadzie budoŭlu. Łatvija taksama pačała budavać płot na biełaruskaj miažy, ale płanuje skončyć raboty tolki ŭ 2024 hodzie.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
nieandiertalcypohraničniki i propichivajut "mihrantov".