Jon vinavacić Jeŭrakamisiju ŭ padryvie adzinstva demakratyčnaha ruchu i dyskredytacyi sapraŭdnych zmaharoŭ za svabodu.
Eks-pretendent u prezidenty na vybarach 2020 hoda i eks-kiraŭnik Parka vysokich technałohij Valer Capkała padaŭ pazoŭ u Jeŭrapiejski sud u Luksiemburhu suprać kamisii Jeŭrapiejskaha sajuza.
«U supracoŭnictvie ź niekatorymi dziaržavami-členami kamisija vykarystała svoj palityčny ŭpłyŭ, administracyjnyja miechanizmy i finansavyja resursy, kab padarvać adzinstva demakratyčnaha ruchu ŭ Biełarusi i dyskredytavać sapraŭdnych zmaharoŭ za svabodu. Jaje dziejańni spryjali ŭmacavańniu ŭłady Łukašenki, što pryviało da rostu kolkaści palityčnych źniavolenych, palehčyła nastupnuju akupacyju Biełarusi Rasijaj i pryviało da raźmiaščeńnia jadziernaj zbroi na terytoryi Biełarusi», — tłumačyć Valer Capkała.
Jon zaznačaje, što padadziena kala 100 staronak dokazaŭ dla abhruntavańnia ŭsich śćviardžeńniaŭ u sudzie.
Valer Capkała pierakanany, što Jeŭrakamisija parušyła takija asnoŭnyja demakratyčnyja pryncypy, jak narodnaje pradstaŭnictva i ŭdzieł.
«Jana zamianiła lidaraŭ, jakija mieli padtrymku biełaruskaha naroda, na fiktyŭnyja struktury, jakija składajucca nieviadoma z kaho i na jakoj padstavie pryznačanych asob. Hetyja niezrazumiełyja asoby, u adroźnieńnie ad sotniaŭ tysiač biełarusaŭ, nie ryzykavali svaim žyćciom abo svabodaj dziela demakratyčnych ideałaŭ», — piša Valer Capkała.
«Hetaja palityka adšturchnuła biełarusaŭ ad zachodnich kaštoŭnaściaŭ u bok dziaržaŭnaj biełaruskaj i rasijskaj vajskovaj prapahandy», — reziumuje eks-pretendent u prezidenty.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary