U Asipovickim rajonie apałčency vučylisia adbivać uzbrojeny napad na sielskuju kramu, a terabarona — spyniać DRH
Atrad narodnaha apałčeńnia Viaźzieŭskaha sielskaha Savieta Asipovickaha rajona padčas zboraŭ vučyŭsia adbivać napad maradzioraŭ na sielskuju kramu. Taksama ŭdzielnikam zboraŭ pa terytaryjalnaj abaronie Mahiloŭskaj vobłaści pakazali, jak dziejničać na KPP, kab spynić praryŭ dyviersijna-raźviedvalnaj hrupy.
Spačatku dobraachvotniki atrada narodnaha apałčeńnia «prademanstravali dziejańni pa zatrymańni hrupy maradzioraŭ, jakija ździejśnili ŭzbrojeny nalot na sielskuju kramu». Minabarony apublikavała fotaspravazdaču.
«Svaich padnačalenych viedaju daŭno. Heta surjoznyja, śmiełyja, adkaznyja mužčyny. Z usimi zadačami spravimsia ŭpeŭniena. Žychary sielsavieta mohuć spać spakojna», — raspavioŭ kamandzir atrada narodnaha apałčeńnia siaržant u adstaŭcy Vasil Piatroŭski.
Paśla bajcy terabarony adpracavali «paradak praktyčnych dziejańniaŭ pa nadhladzie aŭtamabilaŭ, praviercy dakumientaŭ hramadzian».
Asablivaja ŭvaha nadadziena dziejańniam na KPP pa spynieńni praryvu dyviersijna-raźviedvalnaj hrupy praciŭnika. Dyviersanty, pavodle vučeńniaŭ, užyvali strałkovuju zbroju i bieśpiłotny latalny aparat.
Dziakujučy zładžanym dziejańniam terabarony i supracoŭnikaŭ milicyi ŭdzielniki DRH byli abiasškodžanyja, jak piša Minabarony.
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu9
Kamientary