Udarnika represij pastavili ŭ načalstva RNPC niejrachirurhii i nieŭrałohii
Da niadaŭniaha času Vital Białkoŭski pracavaŭ u Śledčym kamitecie, a ciapier budzie adbirać kadry ŭ RNPC.
Na sajcie RNPC nieŭrałohii i niejrachirurhii, u raździele «Ab centry», možna znajści skład načalstva.
Tam, siarod daktaroŭ najvyšejšaj katehoryi, kandydataŭ navuk, miedykaŭ z bahatymi prafiesijnymi bijahrafijami, ścipła, navat biez fota, z pustatoj zamiest apisańnia karjery, visić proźvišča Vitala Mikałajeviča Białkoŭskaha.
Viedami pa niejrachirurhii Vital Mikałajevič nie vałodaje — jon namieśnik dyrektara «pa biaśpiecy, režymie i kadrach».
Da niadaŭniaha minułaha jon — pałkoŭnik Śledčaha kamiteta, braŭ niepasredny ŭdzieł u palityčnych represijach.
Źmieny ŭ kiraŭnictvie zaŭvažyŭ telehram-kanał «Biełyja chałaty». Asobu byłoha śledčaha paćvierdzili i «Našaj Nivie».
Ź lohkaj ruki Białkoŭskaha na hady ŭ kałoniju adpravilisia ludzi, jakija napisali pobač ź miescam zabojstva Tarajkoŭskaha słovy «Nie zabudziem».
Hety ž pałkoŭnik chłusiŭ pra toje, što pratestoŭcy nibyta nanieśli vialikija straty Minsku i «paškodžvali majomaść», chacia demanstracyi prachodzili vyklučna mirna.
Naadvarot, pomnicca, jak Mikałaj Karpiankoŭ raźbiŭ vitrynu minskaha kafe O'Petit.
U lubym razie na novym miescy pracy Białkoŭski budzie adkazvać za kadry ŭ toj śfiery, u jakoj sam nie raźbirajecca.
Hałoŭnaja jahonaja zadača nie ŭ padbory i zaachvočvańni śpiecyjalistaŭ u niejrachirurhii, a ŭ pošuku niełajalnych.
Słužbu Białkoŭski pačaŭ u 1996-m z pasady śledčaha ŭ Pieršamajskim RUUSie Minska. Paśla stvareńnia Śledčaha kamiteta staŭ načalnikam upraŭleńnia arhanizacyi rasśledavańnia złačynstvaŭ i kaardynacyi apieratyŭna-słužbovaj dziejnaści USK pa Minsku. Dasłužyŭsia da namieśnika načalnika ŭpraŭleńnia SK pa Minsku.
«Naša Niva» — bastyjon biełaruščyny
PADTRYMAĆCiapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary
bolšije problemy s zdorov́jem i normalnym sostojanijem mozha, niervnoj sistiemy, čto nie udivitielno, jeśli smotrieť na dieła skotnoho dvora v Biełarusi.
2. Intieriesno, kak mient budiet ocienivať kvalifikaciju niejrochirurha, nievrołoha ???
3. Idiom k finišu, raz biez rieprieśsii i rieprieśsivnoho nadzora s storony ludiej nie imiejuŝich ni miedicinskoho obrazovanija, ni otnošienija k miedicinie, rukovodstvo skotnoho dvora, nie možiet obieśpiečiť miedpomoŝ dla siebia i svoich chołujov iz chamasa russkoho mira v Biełarusi.