Ukraincy nanieśli «adzin z samych surjoznych udaraŭ za ŭvieś čas» pa rasijskim aeradromie — Fighterbomber
Na videa, jakoje raspaŭsiudzili vidavočcy, zafiksavanyja šmatlikija vybuchi na aeradromie Biardzianska — akupavanaha horada ŭ Zaparožskaj vobłaści na bierazie Azoŭskaha mora.
«Ranica nie dobraja. [Ukraincy] nočču nanieśli ŭdar rakietami ATACMS pa našym aeradromie, na jakim bazavałasia vajskovaja avijacyja. Adzin z samych surjoznych udaraŭ za ŭvieś čas [vajny]. Kali nie samy surjozny. Jość straty i ŭ ludziach i ŭ technicy», — piša rasijski telehram-kanał Fighterbomber, jaki śpiecyjalizujecca na infarmacyi ŭ śfiery avijacyi.
Na videa, jakoje raspaŭsiudzili vidavočcy, zafiksavanyja šmatlikija vybuchi na aeradromie Biardzianska — akupavanaha horada ŭ Zaparožskaj vobłaści na bierazie Azoŭskaha mora.
Apieracyju pa parazie aeradromaŭ u akupavanych Biardziansku i Łuhansku praviali Siły śpiecapieracyj u supracoŭnictvie ź Siłami abarony, paviedamiła «Ukrainskaja praŭda» sa spasyłkaj na pres-słužbu Sił śpiecapieracyj. Śpiecapieracyja nazyvałasia Dragonfly.
Adznačajecca, što Siły śpiecyjalnych apieracyj atrymali infarmacyju ab vykarystańni praciŭnikam aeradromaŭ u časova akupavanych Biardziansku i Łuhansku, a taksama znachodžańni na ich značnaj kolkaści avijacyjnaj i śpiecyjalnaj techniki, i bojeprypasaŭ.
Ukazanaja infarmacyja była pravierana i paćvierdžana. Kaardynaty i nieabchodnyja danyja SSA pieradali dla parazy padraździaleńniam Sił abarony. U vyniku naniasieńnia ahniavoha ŭdaru ŭ noč z 16 na 17 kastryčnika akupanty panieśli značnyja straty.
Pavodle apošnich źviestak u Biardziansku i Łuhansku źniščana:
- dzieviać viertalotaŭ roznych madyfikacyj
- śpiecyjalnaja technika, jakaja znachodziłasia na aeradromach
- puskavaja ŭstanoŭka SPA
- skład bojeprypasaŭ
- paškodžanyja pałosy aeradromaŭ;
U SSA adznačajuć, što skład bojeprypasaŭ u Biardziansku detanavaŭ da 4-j ranicy. Detanacyja ŭ Łuhansku praciahvałasia da 11 ranicy.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary
🕺🤸💃👯