Pravaabaroncy pryznali palitviaźniami jašče čatyrnaccać čałaviek. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1487 čałaviek.
Palitviaźniami hetym razam pryznanyja Jaŭhien Hormaš, Natalla Malec, Dźmitryj Sielviastruk, Dźmitryj Śvičkaroŭ, Siarhiej Mazol, Alesia Lancevič, Alaksandr Koval, Kaciaryna Bruchanava, Natalla Šaramietava, Ihar Ciapciejeŭ, Viktar Hryńko, Juryj Nieściarenka, Uładzimir Savieljeŭ, Ihar Cikač.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1487 čałaviek. Apošnim časam ahulny rost ich kolkaści nie vielmi vialiki, i navat adznačajecca peŭnaje źnižeńnie (raniej užo niekalki razoŭ kolkaść pryznanych palitviaźniami pierasiahała 1500 čałaviek). Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z-za turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Pry hetym, pavodle pravaabaroncaŭ, z momantu pačatku represij z kanca maja 2020 hoda ahulnaja kolkaść palitviaźniaŭ, z ulikam tych, chto vyjšaŭ na volu, składaje 2700 čałaviek.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary