Alaksandr Łukašenka 2 listapada pravioŭ naradu pa pytańni adnaŭleńnia vajskovych prakuratur. Spačatku jon prapanavaŭ adnavić vajskovuju prakuraturu, ale pa vynikach narady zajaviŭ, što takoje rašeńnie prymać pakul rana, paviedamlaje jahonaja pres-słužba.
«Taksama pytańnie: nie daj boh pačałasia vajna — my chutka stvarajem prakuratury. Biez hetaha spravicca nie možam? Kali nie možam, moža, i treba. Kali zmožam, navošta? I naohuł, heta hałoŭnaje pytańnie: adkul jano źjaviłasia, čamu siońnia ŭźniata, prakurorami pierš za ŭsio? I pytańnie hałoŭnaje: treba siońnia ci nie treba adnaŭlać sistemu prakurorskaha nahladu, jakaja była da 2014 hoda», — skazaŭ Łukašenka.
U svaju čarhu hienprakuror Andrej Švied zajaviŭ, što vajskovyja prakurory źjaŭlajucca abaviazkovym elemientam sistemy nacyjanalnaj biaśpieki. Ich funkcyjanał paŭsiudna zadziejničajecca va ŭsich vajennych kanfliktach, skazaŭ jon
Padvodziačy vyniki narady paśla abmierkavańnia pytańniaŭ Łukašenka adznačyŭ, što prymać rašeńnie ab stvareńni sistemy vajskovych prakuratur pakul rana. «Zabiahać napierad nie varta, bo ŭ hetym niama nijakaj nadzvyčajščyny», — dadaŭ jon.
U naradzie ŭziali ŭdzieł bolš za dziasiatak hienierałaŭ: kiraŭnik Administracyi Ihar Sierhiejenka, sakratar Rady biaśpieki Alaksandr Volfavič, jaho namieśnik Alaksandr Rachmanaŭ, hienprakuror Andrej Švied, staršynia SK Dźmitryj Hora, ministr unutranych spraŭ Ivan Kubrakoŭ, jaho namieśnik — kiraŭnik unutranych vojsk Mikałaj Karpiankoŭ, staršynia KDB Ivan Cierciel, staršynia Pamiežnaha kamiteta Dźmitryj Mołastaŭ, ministr abarony Viktar Chrenin, staršynia Viarchoŭnaha suda Valancin Sukała, kiraŭnik AAC Andrej Paŭlučenka.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary