Hramadstva22

U centry Połacka źnieśli pałovu skviera

Značnaja kolkaść drevaŭ była śpiłavanaja dziela rekanstrukcyi pažarnaj čaści ŭ skviery na centralnym praśpiekcie Francyska Skaryny ŭ Połacku. Kampiensavać ich buduć tradycyjna — tujami zusim u inšym rajonie.

Źniesienyja častka skviera. Fota: fejsbuk-supołka «Połack: minułaje i sučasnaść»

Rekanstrukcyja budynka pažarnaj čaści pa vulicy Enhielsa, 8 pa prajekcie «Viciebskhramadzianprajekta» pačałasia ŭ vieraśni hetaha horada. Budynak byŭ pabudavany ŭ kancy XIX — pieršaj čverci XX stahodździa jak machoračnaja fabryka Ryŭlina i źjaŭlajecca historyka-kulturnaj kaštoŭnaściu.

Rekanstrukcyja frahmienta stračanych razburanych handlovych radoŭ na miescy skviera. Fota: fejsbuk-supołka «Połack: minułaje i sučasnaść»

Skvier uźnik užo ŭ paślavajenny čas na miescy razburanych handlovych radoŭ. U 2003 hodzie da Dnia biełaruskaha piśmienstva tut byŭ pastaŭleny pomnik aśvietniku Simiaonu Połackamu pracy skulptara Alaksandra Finskaha.

Infarmacyja sa spravazdačy ab acency ŭździejańnia na navakolnaje asiarodździe.

Infarmacyja pra toje, što ŭ čas rekanstrukcyi buduć vydaleny 23 drevy, ź jakich 17 listava-dekaratyŭnych i 6 chvajovych, a taksama dva kusty, prysutničała ŭ spravazdačy ab acency ŭździejańnia na navakolnaje asiarodździe pa abjekcie, jakoje ŭletku 2022 hoda vynosiłasia na hramadskaje abmierkavańnie. Ale adšukać u dakumiencie na 75 staronak abyvacielu mienavita hety radok dosyć składana.

Śpiłavanyja drevy pierad budynkam pažarnaj čaści. Fota: fejsbuk-supołka «Połack: minułaje i sučasnaść»

Pavodle biełaruskaha zakanadaŭstva vydalenyja drevy i kusty musiać być kampiensavany inšymi pasadkami. Ale śpiecyfika ŭ tym, što hetyja pasadki nie abaviazany być u tym ža rajonie, dzie byli vydaleny drevy. Atrymlivajecca, što pakul adny rajony haradoŭ, zvyčajna centralnyja, z najbolš kaštoŭnaj ziamloj, łysiejuć, inšyja aktyŭna zasadžvajuć. Hetak ža Połackim rajvykankamam miesca dla kampiensacyjnych pasadak vyznačany bulvar pamiž šmatkvaternymi damami pa praśpiekcie Miru, jaki znachodzicca ŭ rajonie «Aeraport» na ŭskrainie horada.

Pašpart abjekta. Fota: fejsbuk-supołka «Połack: minułaje i sučasnaść»

Paŭnavartasnyja drevy buduć kampiensavanyja 62 sadžancami tui zachodniaj, a kusty — 6-ciu jadłoŭcami kazackimi. Bolšaść ź ich, jak pakazvaje praktyka, nie pryžyviecca, ale za hetym nijakaha kantrolu ŭ Biełarusi niama. Ekaaktyvisty i ŭrbanisty daŭno zaklikajuć admovicca ad pasadak tuj u haradach, tamu što hety niemiascovy vid drenna pryžyvajecca ŭ našym klimacie, ale zielanbudy i miascovyja ŭłady ich nie čujuć. 

«Naša Niva» — bastyjon biełaruščyny

PADTRYMAĆ

Čytać taksama:

Zaćvierdzili achoŭnyja zony histaryčnaha centra Połacka

Aktyvisty bjuć tryvohu: rekanstrukcyja kinateatra «Maskva» niezakonnaja

U Mahilovie pad novy korpus balnicy vysiekli les, jaki raniej byŭ abvieščany zakaźnikam

Kamientary2

  • fhfr
    02.11.2023
    skvier kotoryj ONI zasłužili
  • Supovoj pakietik
    02.11.2023
    fhfr, no k sožaleniju, po etomu skvieru chodiat nie tolko oni. I mimo tožie. Ispohanili samyj cientr horoda - i, kstati, na śledujuŝij dień pośle opriedielenija zonny ochrany istoričieskich hranic - ili kak eto tam nazyvajetsia?!

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Usie naviny →
Usie naviny

62-hadovuju namieśnicu dyrektara minskaj himnazii adpravili ŭ kałoniju za palityku12

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć13

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha30

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

bolš čytanych navin
bolš łajkanych navin

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Hałoŭnaje
Usie naviny →

Zaŭvaha:

 

 

 

 

Zakryć Paviedamić