Finlandyja płanuje spynić pryjom prośbitaŭ prytułku na miažy z Rasijaj
Takoje rašeńnie źbirajecca pryniać urad krainy, paviedamlaje Helsingin Sanomat sa spasyłkaj na krynicy.
Płot błakuje darohu da zakrytaj pustoj pamiežnaj stancyi Nujamaa pamiž Rasijaj i Finlandyjaj u Łapiejenrancie (Paŭdniovaja Finlandyja). Fota: Sergei Grits / AP
Spynić pryjom biežancaŭ Kabmin źbiraŭsia jašče na minułym tydni, adnak rašeńnie nie prajšło pravierku na adpaviednaść kanstytucyi krainy i aktam ES. Pierahledžany ŭkaz moža być pryniaty ŭžo najbližejšym časam.
Pavodle słoŭ premjer-ministra Pietery Orpa, Finlandyja moža poŭnaściu zakryć miažu z Rasijaj, kali hetaha zapatrabujuć intaresy nacyjanalnaj biaśpieki.
Urad Finlandyi ličyć, što Rasija vykarystoŭvaje napłyŭ biežancaŭ ź Iraka, Samali i Siryi, kab pahoršyć situacyju na miažy.
Ź dzieviaci punktaŭ propusku zastaŭsia tolki ŭčastak na poŭnačy krainy.
Kamientary