Usiaho patrochu66

Praz usie sistemy biaśpieki. U ZŠA prylacieŭ rasijanin zusim biez dakumientaŭ. Nichto nie razumieje, jak jon heta zrabiŭ

Čałaviek pa imieni Siarhiej Ačyhava biez dakumientaŭ, vizy i avijabileta prylacieŭ z Kapienhahiena ŭ Łos-Andželes i byŭ zatrymany padčas prachodžańnia pašpartnaha kantrolu. Incydent adbyŭsia 4 listapada, ale pra heta stała viadoma tolki ciapier, paśla publikacyi materyjału ŭ vydańni 404media. Jak mužčynie ŭdałosia sieści ŭ samalot biez rehistracyi na rejs i patrapić u ZŠA, jon rastłumačyć nie zmoh. Sud Łos-Andželesa pradjaviŭ jamu abvinavačańni ŭ prajeździe na borcie samalota biez dakumientaŭ i pastanaviŭ zaklučyć jaho pad aryšt.

Pasažyr biez dakumientaŭ prylacieŭ u ZŠA kampanijaj Scandinavian Airlines

«Rasijski ekanamist» prylacieŭ u Łos-Andželes biez patrebnych dla ŭjezdu ŭ ZŠA pašparta i vizy ŭ listapadzie, havorycca ŭ sudovym dakumiencie, jaki apublikavała vydańnie 404.

Z dakumienta vynikała, što mužčyna nie pamiataŭ, jak apynuŭsia ŭ samalocie. Pry sabie ŭ jaho byli niekalki paśviedčańniaŭ asoby Rasii i Izraila na imia Siarhieja Uładzimiraviča Ačyhavy. Va ŭciečkach rasijskich baz źviestak, jakija vyvučyła «Ahientstvo», jość tolki adzin čałaviek z takim proźviščam, imieniem, i jon sapraŭdy byŭ ekanamistam.

Spačatku mužčyna na pamiežnym kantroli skazaŭ, što straciŭ pašpart u samalocie, adnak znajści jaho tam nie ŭdałosia. A nastupnaja pravierka avijakampanii pakazała, što mužčyna nie rehistravaŭsia na rejs, i zusim niezrazumieła, jak jon trapiŭ u samalot.

U jaho sumcy znajšli rasijski ŭnutrany pašpart, a taksama izrailski dakumient, jaki nie daje prava na biaźvizavy ŭjezd u ZŠA (izrailcianie zamiest atrymańnia vizy pavinny prachodzić papiaredniuju elektronnuju pravierku ESTA, ale Ačyhava zajaŭki ŭ hetuju sistemu nie padavaŭ).

Členy ekipaža raspaviali, što na borcie mužčyna pierasadžvaŭsia ź miesca na miesca, kamunikavaŭ z pasažyrami i sprabavaŭ zjeści šakaład, jaki pryznačaŭsia členam ekipaža. Kožny raz, kali prapanoŭvali ježu, jon prasiŭ padvojnuju porcyju.

Supracoŭnikam FBR mužčyna pradstaviŭsia rasijskim ekanamistam, i skazaŭ, što nie razumieje, dzie znachodzicca.

Jon paviedamiŭ, što nie spaŭ try dni, i što ŭ jaho, mahčyma, byŭ kvitok na rejs u ZŠA, ale jon nie ŭpeŭnieny.

Jon skazaŭ, što nie pamiataje, jak sieŭ na samalot, a taksama nie zmoh rastłumačyć, jak trapiŭ u Kapienhahien i što tam rabiŭ. Na jahonym telefonie supracoŭniki FBR znajšli fatahrafiju tabło aeraporta Kapienhahiena, a taksama skrynšoty prykładańnia «Karty» z chostełami ŭ niamieckim horadzie Kil i z kartaj «nieviadomaha zamiežnaha horada», havorycca ŭ dakumiencie suda.

Jak daviedałasia «Ahienctva», u rasijskich uciečkach jość tolki adzin Siarhiej Uładzimiravič Ačyhava. Ź jaho reziume vynikaje, što ŭ 2003 hodzie jon atrymaŭ stupień kandydata ekanamičnych navuk, aśpiranturu jon prachodziŭ u Rasijskaj ekanamičnaj akademii imia Plachanava (REU), byŭ kansultantam u kampanii «Markietynhavyja i inviestycyjnyja prajekty» i zajmaŭ takuju ž pasadu ŭ kansałtynhavaj kampanii «Intielektsiervis». Taksama jon vykładaŭ u REU imia Plachanava. 

Ačyhava byŭ saŭładalnikam troch kampanij, kožnaja ź jakich užo spyniła dziejnaść, piša «Ahientstvo». U 1998 hodzie mužčyna byŭ sudzimy za nabyćcio abo zachoŭvańnie hašyšu.

Telehram-akaŭnt, da jakoha pryviazany numar Ačyhavy, apošni raz byŭ u siecivie 3 lipienia.

Kamientary6

  • EMIL
    12.12.2023
    Rasiejskij špion.
  • Kazik
    12.12.2023
    EMIL, akurat naadvarot, u špijona było b usio dobra z dakumientami
  • mikola
    12.12.2023
    Jago padstavili voragi !
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB

Usie naviny →
Usie naviny

Byłoha milicyjaniera asudzili za raspalvańnie varožaści i zaličyli ŭ terarysty

CACHAŁ atakavaŭ štab-kvateru prajekta, jaki zajmajecca raspracoŭkaj jadziernaj prahramy3

ZŠA mohuć udaryć pa Iranie taktyčnaj jadziernaj zbrojaj19

Šmatdzietnaja maci ź Minska emacyjna rastłumačyła Łukašenku, čamu biełaruski nie chočuć naradžać63

Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu11

Mocna vyrasła kolkaść aŭtamabilaŭ na vyjezd ź Biełarusi2

Piaskoŭ: Zabojstva Viarchoŭnaha lidara Irana Chamieniei «adkryje skryniu Pandory»13

U Finlandyi zapuścili najbujniejšuju ŭ śviecie piasčanuju batareju. Jak heta pracuje?1

U Małdovie na hiej-prajdzie znoŭ zaśviaciŭsia «starakatalicki śviatar» z Navahradka, pra jakoha nie było ničoha čuvać bolš za 5 hadoŭ10

bolš čytanych navin
bolš łajkanych navin

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6

Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB

Hałoŭnaje
Usie naviny →

Zaŭvaha:

 

 

 

 

Zakryć Paviedamić