Daśledčyki raspracavali padskurny impłant dla lačeńnia dyjabietu 1-ha typu
Pryłada moža vyłučać u kletki insulin, ale jość adzin niuans.
Navukoŭcy raspracavali novuju impłantacyjnuju pryładu, jakaja moža źmianić sposab atrymańnia insulinu chvorymi na dyjabiet 1-ha typu. Nitkapadobny impłant, abo SHEATH (Subcutaneous Host-Enabled Alginate THread), ustaloŭvajecca ŭ arhanizm u dva etapy.
Spačatku navukoŭcy prydumali sposab ustavić niejłonavyja katetary pad skuru, dzie jany zastajucca da šaści tydniaŭ. Za hety čas vakoł katetaraŭ utvarajucca kryvianosnyja sudziny, jakija buduć zatym strukturna padtrymlivać śpiecyjalnyja «astraŭkovyja pryłady». Kali katetar vydalajuć, u hetaj prastory potym raźmiaščajuć hetyja impłanty ci «astraŭkovyja pryłady» daŭžynioj 10 santymietraŭ. Jany vyłučajuć insulin praz astraŭkovyja kletki, jakija ŭtvarajucca vakoł, a taksama atrymlivajuć pažyŭnyja rečyvy i kisłarod z kryvianosnych sudzin, kab zastavacca žyvymi.
Technika impłantacyi była raspracavanaja i pratestavanaja daśledčykami z Cornell University i University of Alberta. Mienavita va Univiersitecie Korneła ŭ 2017 hodzie navukoŭcy stvaryli pieršy palimier, jaki atrymaŭ nazvu TRAFFIC (Thread-Reinforced Alginate Fiber For Islets enCapsulation), zrobleny dla impłantacyi ŭ brušnuju paražninu pacyjenta. U 2021 hodzie taja ž kamanda raspracavała jašče bolš nadziejnuju pryładu dla impłantacyi, jakaja dakazała zdolnaść kantralavać uzrovień cukru ŭ kryvi myšej na praciahu šaści miesiacaŭ.
Ciapierašniaja prablema SHEATH, jakuju jašče treba vyrašyć — heta praciahłaje prymianieńnie ŭ pacyjentaŭ. Vielmi ciažka padtrymlivać funkcyjanalnaść hetych astraŭkoŭ na praciahu doŭhaha času ŭnutry cieła, bo pryłada błakuje kryvianosnyja sudziny; naturalnyja ž astraŭkovyja kletki ŭ ciele znachodziacca, jak viadoma, u niepasrednym kantakcie z sudzinami, jakija zabiaśpiečvajuć hetyja kletki pažyŭnymi rečyvami i kisłarodam, pieradaje słovy daśledčykaŭ Engaget.
Pakolki astraŭkovyja pryłady ŭ kančatkovym vyniku pavinny być vydalenyja z arhanizma, daśledčyki ŭsio jašče pracujuć nad tym, kab maksimizavać abmien pažyŭnych rečyvaŭ i kisłarodu ŭ madelach bujnych žyvioł — i, urešcie, u čałavieka. Navukoŭcy spadziajucca, što adnojčy impłant moža zamianić standartnaje lačeńnie dyjabietu 1-ha typu, jakoje siońnia patrabuje štodzionnych injekcyj abo insulinavych pompaŭ.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie1
Kamientary