Uračystaja cyrymonija adbyłasia siońnia, 13 śniežnia, u prezidenckim pałacy ŭ Varšavie. Premjer-ministr, vice-premjery i ministry prynieśli prysiahu prezidentu Polščy.
Novyja členy Rady ministraŭ atrymali ad prezidenta hramaty ab naznačeńni, paviedamlaje Polskaje radyjo.
Vice-premjerami buduć Uładzisłaŭ Kasiniak-Kamyš i Kšyštaf Haŭkoŭski. Pieršy taksama budzie ministram nacyjanalnaj abarony, a druhi — ministram abličboŭki.
Adam Bodnar staŭ ministram justycyi, Ahnieška Bučyńska budzie ministram hramadzianskaj supolnaści i staršynioj Kamiteta hramadskaj karyści. U svaju čarhu kiraŭnikom Mindziaržmajomaści staŭ Barys Budka.
Ministram pramysłovaści pryznačana Mažena Čarnecka, ministram finansaŭ stanie Andžej Damański, ministram siamji, pracy i sacyjalnaj palityki — Ahnieška Dziemjanovič-Bonk, ministram klimatu i navakolnaha asiarodździa — Paŭlina Chieninh-Kłoska, a Kšyštaf Hietman budzie adkazvać za Ministerstva raźvićcia i technałohij.
Marcin Kierviński staŭ ministram unutranych spraŭ i administracyi, Daryjuš Klimčak — ministram infrastruktury, a Katažyna Kotuła — ministram roŭnaści. Izabeła Laščyna ŭznačalić Ministerstva achovy zdaroŭja, Słavamir Nitras — Ministerstva sportu i turyzmu, Barbara Navacka — Ministerstva adukacyi.
Mažena Okła-Dreŭnovič była pryznačana ministram palityki ŭ adnosinach pažyłych ludziej, Katažyna Pełčyńska-Nałenč — ministram rehijanalnaj palityki, Česłaŭ Siekierski budzie adkazvać za Ministerstva sielskaj haspadarki i raźvićcia vioski.
U skład urada taksama ŭvajšli ministr kultury i nacyjanalnaj spadčyny Bartłamiej Siankievič, ministr zamiežnych spraŭ Radasłaŭ Sikorski, ministr pa spravach Jeŭrasajuza Adam Šłapka i ministr navuki Daryjuš Viečorak.
Učora viečaram Siejm prahałasavaŭ za votum davieru kabinietu parłamienckaj bolšaści. Donald Tusk byŭ abrany premjer-ministram. Raniej deputaty admovili ŭ votumie davieru ŭradu premjer-ministra Matevuša Maravieckaha.
Premjer-ministr Donald Tusk adpraŭlajecca siońnia ŭ Brusiel na samit Jeŭrasajuz — Zachodnija Bałkany. Na zaŭtra i paślazaŭtra zapłanavanaje pasiedžańnie Jeŭrapiejskaj rady, prezidentam jakoj Tusk byŭ u 2014—2019 hadach.
Tusk staŭ premjeram na fonie achałodžańnia ŭ adnosinach z Ukrainaj. Voś što jon zajaviŭ nakont jaje dalejšaj padtrymki ŭ vajnie
Novy polski premjer Donald Tusk pradstaviŭ svoj budučy ŭrad
Cichanoŭskaja pavinšavała Tuska z abrańniem na pasadu premjera Polščy
Novy ministr zamiežnych spraŭ Polščy adkazaŭ na vinšavańnie Łatuški: «Žyvie Biełaruś!»
U polskim Siejmie razhareŭsia skandał na antysiemickim hruncie
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary