Haračyja viečar i noč dla Pavietranych sił Ukrainy — źniščanyja dziasiatki dronaŭ i dva źniščalniki
Vajskoŭcy adspravazdačylisia ab čarhovaj atacy na ŭkrainskija harady ŭ noč z 24 na 25 śniežnia.
Jak śćviardžajecca, z terytoryi akupavanaha Kryma byŭ zapuščany 31 udarny BPŁA typu «Šachied», a taksama dźvie avijacyjnyja rakiety.
Pavietranym siłam i Siłam abarony Ukrainy ŭdałosia źbić 28 bieśpiłotnikaŭ u miežach Adeskaj, Chiersonskaj, Mikałajeŭskaj, Danieckaj, Kiravahradskaj i Chmialnickaj abłaściej.
Na Zaparožskim napramku była zapuščanaja kiravanaja avijarakieta Ch-59 i supraćradyjołakacyjnaja rakieta Ch-31P z akvatoryi Čornaha mora. Abiedźvie byli źniščanyja.
Zienitnyja padraździaleńni źniščyli dva samaloty — na Danieččynie byŭ źbity Su-34. Nad Čornym moram — Su-30SM.
Kamientary