Astrołah raić nie nadavać vialikaha značeńnia vonkavym atrybutam Novaha hoda
Nie nadavać zanadta vialikaha značeńnia źniešnim atrybutam Novaha hoda raić astrołah Neli Paciomkina‑Hunieva.
«Kali vy daviarajecie ŭschodniamu kalendaru, lepš užo nie svarycca z Bykom, hod jakoha jašče budzie doŭžycca paŭtara miesiaca», — skazała astrołah na pres‑kanfierencyi ŭ Minsku 29 śniežnia . Pavodle jaje słoŭ, hod Tyhra pa ŭschodnim kalendary nastupić tolki 14 lutaha. Tamu «nie maje vialikaha značeńnia, u jakim adzieńni vy sustreniecie Novy hod, što budzie na stale».
Adznačyŭšy, što «Novy hod 1 studzienia — heta vielmi ŭmoŭnaja miaža», Paciomkina‑Hunieva padkreśliła, što nie varta daviarać ahulnym haraskopam, tamu što dla znakaŭ zadyjaka «jany padobnyja da siaredniaj tempieratury pa balnicy»
i čałavieku ŭ vypadku cikavaści da astrałohii nieabchodna składać piersanalny haraskop. Pry hetym jana ŭsio ž paraiła ŭsim u Novy hod «zadumacca nad tym, chto my i ci svajoj darahoj idziem». Paciomkina‑Hunieva adznačyła, što časam ludzi ŭsio žyćcio pieraadolvajuć pieraškody ŭ dasiahnieńni jakich‑niebudź met, «nie razumiejučy, što stali b bolš paśpiachovymi ŭ žyćci, kali b nakiravali enierhiju ŭ inšaje rečyšča».
Astrołah taksama paviedamiła, što 31 śniežnia ŭ 20 hadzin 24 chviliny adbudziecca častkovaje miesiačnaje zaćmieńnie z małoj fazaj, jakoje zrobić ludziej bolš strymanymi ŭ emocyjach napiaredadni Novaha hoda.
Jana padkreśliła, što da miesiačnaha zaćmieńnia mnohija buduć chavać i nazapašvać emocyi. Niespryjalnaj źjavaj moža stać usplosk emocyj paśla taho, jak zaćmieńnie skončycca.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?22
Kamientary