«Biełavija» praciahnuła akcyju jašče na adzin dzień, bo sajt kiepska pracavaŭ
U avijakampanii «Biełavija» pryznali, što rasprodaž avijakvitkoŭ, abvieščany na 17 studzienia, «prajšoŭ nie tak, jak zadumvałasia». Tamu kampanija vyrašyła praciahnuć rasprodaž jašče na adzin dzień, paviedamlaje pres-słužba avijakampanii.

«Padčas praviadzieńnia akcyi naš sajt pracavaŭ ź pierabojami, što ŭskładniała kuplu avijakvitkoŭ. Čamu tak adbyłosia? Heta pieršaja akcyja takoha maštabu na novym «ruchavičku» dla braniravańnia biletaŭ, jaki nie spraviŭsia z napłyvam achvotnych kupić bilety», — patłumačyli situacyju ŭ avijakampanii.
U «Biełavii» adznačyli, što praviali pracu nad pamyłkami i za samy karotki čas adnavili pracazdolnaść sajta.
«My pryniali rašeńnie praciahnuć akcyju jašče na adzin dzień», — raskazali ŭ kampanii.
Kupić bilety pa taryfie ad 24 jeŭra možna da 23.59 18 studzienia. Umovy akcyi zastanucca raniejšymi.
17 studzienia «Biełavija» abviaściła rasprodaž na ŭsie pramyja rehularnyja rejsy. Akcyjny bilet u adzin bok abydziecca ŭ 24 jeŭra, tudy-nazad — 48 jeŭra. Ale da hetaj cany treba dadavać jašče roznyja taksy i zbory.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał
Kamientary