Situacyja vakoł ikony ŭ pačatku studzienia vyklikała vialikija sprečki.
Z sabora Samieba prybrali vialikuju ikonu Matrony, na klajmie jakoj byŭ namalavany siužet ź Iosifam Stalinym. Na jaje miescy źjaviłasia inšaja — taksama pryśviečanaja Matronie Maskoŭskaj, paviedamlaje Paper Kartuli.
Archimandryt Iaan Mčedlišvili paviedamiŭ, što abraz Śviatoj Matrony pieranieśli na achoŭnuju terytoryju Samieby, kab zrabić źmieny ŭ kanon.
9 studzienia ikonu z vyjavaj Stalina ablili farbaj. U hetym abvinavacili miascovuju aktyvistku Natu Pieradze. Na nastupny dzień kala jaje doma sabralisia dziasiatki prychilnikaŭ ultrapravaha ruchu Alt-Info, patrabujučy pakarańnia dla aktyvistki. U situacyju ŭmiašałasia palicyja.
Raniej Hruzinskaja patryjarchija adznačyła, što «adzin z epizodaŭ» na ikonie vyklikaŭ «supiarečlivyja razmovy», a sama ikona stała «abjektam nieapraŭdanych napadak».
Pry hetym u patryjarchii padkreślili, što na ikonie moža być namalavany nie tolki śviaty, ale i luby źviazany ź jaho žyćciom čałaviek, u tym liku kiraŭnikoŭ. Adnak heta nie aznačaje, što ikona «ŭsłaŭlaje hetych asob abo prypisvaje im jakuju-niebudź hodnaść».
«Bo sustreča Stalina sa śviatoj Matronaj z-za niedastatkovaści dokazaŭ nie ŭklučana ŭ kananičny tekst jaje žyćcia, nie pryznana RPC, jakaja kananizavała jaje i praviała daśledavańnie pa hetym pytańni, nieabchodna źmianić zhadany epizod i pryniać da ŭvahi inšyja padrabiaznaści, źviazanyja z kananičnaściu ikanapisu», — zaklučaje patryjarchija.
U zajavie było skazana, što pierapisać ikonu pavinny tyja, chto achviaravaŭ jaje saboru, inakš heta zrobić carkva. Raniej stała viadoma, što ikonu chramu padaryła partyja «Aljans patryjotaŭ Hruzii». U partyi ŭžo pryniali prapanovu patryjarchii.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary