Na miažy Kitaja i Kyrhyzstana adbyłosia niekalki mocnych ziemlatrusaŭ. Ludzi atrymali traŭmy, vybiahajučy z doma
Siejsmołahi naličyli minimum šeść ziemlatrusaŭ.
Pieršy ziemlatrus adbyŭsia ŭ 00:09 pa miascovym časie. Intensiŭnaść u epicentry skłała 8 bałaŭ. Druhi adbyŭsia ŭ 00:42. Jaho intensiŭnaść skłała 6 bałaŭ.
Treci byŭ zafiksavany ŭ 1:36 — 6 bałaŭ. Čaćviorty ŭ 2:57 intensiŭnaściu 5 bałaŭ. Piaty adbyŭsia ŭ 5:19 intensiŭnaściu 6 bałaŭ. Šosty byŭ zafiksavany ŭ 7:18. Intensiŭnaść u centry skłała 5,5 bała, paviedamlaje kyrhyzstanski sajt 24.kg.
Ziemlatrus adčuvaŭsia i ŭ Kazachzstanie, paviedamlaje vecher.kz.
U Ałmaty paciarpieli 8 čałaviek. Usie jany adrazu ž byli dastaŭlenyja ŭ balnicu.
«Try čałavieki atrymali traŭmy ŭ suviazi z tym, što vyskačyli z 2-ha i 3-ha pavierchaŭ žyłych damoŭ. Dvoje ź ich paśla abśledavańnia byli adpraŭlenyja na ambułatornaje lačeńnie, a stan treciaha aceńvajecca jak ciažki, jon špitalizavany», — havorycca ŭ paviedamleńni MNS
Jašče piać čałaviek atrymali traŭmy, vybiahajučy z domu. Paśla akazańnia nieabchodnaj miedycynskaj dapamohi, jany taksama byli adpraŭlenyja na ambułatornaje lačeńnie.
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary